يتفرجيتفرج

تقييمات أوبر

27 تقييم من المتسوقين (صفحة 1 من 2)

أضف تقييمك

B
Basma Mohamed
مجموعات فيسبوك· منذ يوم واحد
★★★★★1.0
بتوع اوبر الحرامية المندوب استلم مني اوردر قيمتو 1000 وراح يسلمو للعميلة مشي الطريق كلو وبعدين لغي المشوار وانو استلم فلوسو واخد الاوردر حسبي الله ونعم الوكيل مش مسامحه فحق الاوردر اللي سرقو ده ودي مكنتو ودي صورة الحرامي اللي معندوش دم وقدمت شكوي ومحدش رد عليا حد يقولي اجيب حقي ازاي
عرض المصدر
M
Mohamed Badawy
مجموعات فيسبوك (تعليق)· منذ 11 يوم
★★★★★1.0
مبدئيا الكرسي فعلا ممكن يقطع فرش العربية و ده تكلفته تترواح من 5000 جنيه الي 10000 جنيه حسب الخامة فهو عنده حق 100% في الحفاظ علي سيارته وإن الكرسي لازم يتحط في شنطة العربية وهو غلطان إنه موضحش ده من الاول ثانيا بنصح كل الناس بلا استثناء ارجوكم بلاش اندريف لانه زيرو سيفتي و زيرو خدمة عملاء و في ثغرة الكابتن بيعملها بيخلي العميل مايعرفش يقيمه أو يشتكيه و بلاش تطلبوا فيزا في رحلات ديدي فليكس لو العميل مضطر يدفع فيزا اطلب وصلني بلاش فليكس لان الكابتن ممكن يبدأ الرحلة و العميل مش معاه و ينهيها بعدها بكيلو متر واحد و الفلوس كلها تتخصم خليكم في اوبر و ديدي وصلني فقط اخيرا لو رقم العربية مع حضرتك اعملي محضر بكده لان خدمة العملاء هتقولك نأسف علي ما حدث لك أثناء الرحلة و إن سيتم معاقبه الكابتن عن هذا السلوك من قبل القسم المختص و اقسم بالله العظيم مش بيعملوا حاجة
عرض المصدر
P
Passant Ahmed Hanafy
مجموعات فيسبوك· منذ 13 يوم
★★★★★1.0
انا يوميا بركب اوبر و معظم الرحلات يزود فلوس يقولي " actual drop off was different from originally selected " و ابعت لهم كذا شكوي و اقولهم ده نفس مكان شغلي اللي بنزل فيه يوميا انتوا عندكم حاجه غلط علي ال application و مش بيرضوا يرجعوا الفلوس ايام ادفع تمن الرحله بس و ايام تانيه يقولي ال drop off مختلف وانا هختار drop off غلط ليه ؟؟!! عندي فوق ال ١٠ رحلات بالمنظر ده
عرض المصدر
S
Shaimaa Ahmed
مجموعات فيسبوك· منذ 13 يوم
★★★★★1.0
طلبت اوبر وجالي السعر 290 اول ما وصلت الكابتن قالي لا 387 قولتله ازاي انا جالي 290 ومعايا اسكرين قالي وانا جالي 310 واما وصلنا جالي السعر دة المهم عمل تحديث بقي السعر 380 فرق 90 ج الكابتن قالي ادفع واعمل شكوي وهيرجعولي الفلوس والحقيقه دي تالت مرة تحصل منهم اول مرتين الفلوس رجعت بصراحه المر ة دي قالولي احنا زعلانين علي اللي حصلك بس مش هنرجع فلوس بردو طيب ايه السبب انكم تاخدوا الفلوس اصلا معرفش المهم في الاخر صعبت عليهم رجعولي 2 ج من اصل 90 شكرا يا اوبر علي 2 ج
عرض المصدر
M
Martin Mailad
مجموعات فيسبوك (تعليق)· منذ 15 يوم
★★★★★1.0
احنا ذات نفسنا كا سواقين بنتسرق من اوبر هل العميل مش هيتسرق ياباشا الناس اللي شغاله جوا اوبر بتسرق الاكوند اذا كان سواق أو إذا كان عميل وحلني بقي وبعد ده كله ممكن انت كا عميل اوبر تفتح فجاه تلاقي الاكوند بتاعك اتقفل
عرض المصدر
R
Rahma Mostafa
مجموعات فيسبوك· منذ 15 يوم
★★★★★1.0
Uber store pickup❌❌❌❌ جهاز حماية المستهلك المصري أود تقديم شكوى بخصوص طرد قمت بإرساله عن طريق أوبر. تم دفع قيمة التوصيل مسبقًا، بالإضافة إلى قيمة الطرد، ولكن الطرد لم يصل إلى المستلم ولم يتم تسليمه منذ يوم 31 اغسطس و خدمة عملاء اوبر لم تفدني بأي شيء !�وبالتالي فقد خسرت قيمة الطرد بالإضافة إلى رسوم التوصيل، وأطالب باسترداد المبلغ المدفوع بالكامل، وكذلك تعويضي عن قيمة الطرد الذي لم يتم تسليمه.�أرجو التحقيق في الأمر بشكل عاجل، ومعرفة ما حدث للطرد، وإعادة قيمة الطرد ورسوم التوصيل كاملة.
عرض المصدر
R
Rahma Mostafa
مجموعات فيسبوك· منذ 16 يوم
★★★★★1.0
جهاز حماية المستهلك المصري الموضوع: شكوى ومطالبة بالتعويض عن طرد لم يتم تسليمه، أود تقديم شكوى بخصوص طرد قمت بإرساله عن طريق أوبر. و تم تقديم شكوي بالفعل منذ اكثر من ٤٨ ساعة و لم يتم حل المشكلة و تم دفع قيمة التوصيل مسبقًا، بالإضافة إلى قيمة الطرد، ولكن الطرد لم يصل إلى المستلم ولم يتم تسليمه. وبالتالي فقد خسرت قيمة الطرد بالإضافة إلى رسوم التوصيل، وأطالب باسترداد المبلغ المدفوع بالكامل، وكذلك تعويضي عن قيمة الطرد الذي لم يتم تسليمه. أرجو التحقيق في الأمر بشكل عاجل، ومعرفة ما حدث للطرد، وإعادة قيمة الطرد ورسوم التوصيل كاملة بسبب اهمال اوبر و عدم اكتراث الشركة للعملاء و عدم امانة الكباتن و اهمال الشكاوي و سوء الادارة.
عرض المصدر
E
Esraa Sorour
مجموعات فيسبوك (تعليق)· منذ 16 يوم
★★★★★2.0
طيب هو من زمان اتقال مينفعش نحط كروت على ابلكيشن اوبر و انه بيحصل فيه بلاوي اعتقد زمان كان في اوبشن تحط فلوس في المحفظة بتاعة اوبر و كنت بحط على حسب الرحلة بكام و على اد الفلوس المطلوبة مش اكتر
عرض المصدر
O
Omar Eladl
مجموعات فيسبوك· منذ 16 يوم
★★★★★1.0
تنويه هام لكل حد حاطط كارت البنك بتاعه على أبلكيشن أوبر (Uber).. خلو بالكم من فلوسكم! يا جماعة أنا نازل بالبوست ده عشان أحذركم من موقف حصل معايا مع شركة أوبر خلال الـ 48 ساعة اللي فاتوا، وعشان ما يصحش نسكت على حاجة زي دي. إيه اللي حصل بالظبط؟ 1. إمبارح: طلبت رحلة، الكابتن بدأ الرحلة مع نفسه ومشي من غير ما يركبني أصلاً! وفي الآخر الخصم نزل على الكارت عادي جداً. ولما كلمت الدعم بدل ما يرجعوا الفلوس على البنك، اضطريت أقبلها رصيد على الأبلكيشن (Uber Cash) عشان أخلص. 2. النهاردة بقى الكارثة: أصحى ألاقي أوبر ساحبين من الكارت بتاعي 136.19 جنيه من غير أي وجه حق! لما كلمت الدعم قالولي: "دي رحلة قديمة مكنتش مدفوعة"! طبعاً ده كلام مش يدخل العقل لسببين: أولاً: سيستم أوبر أصلاً بيقفل الأبلكيشن ومبيخليكش تطلب أي رحلة جديدة لو عليك جنيه واحد قديم. ثانياً: أنا معايا رسائل البنك رسمي بتثبت إن كل رحلاتي القديمة مدفوعة بالكامل. ولما واجهتهم بالدليل والـ Screenshots، ردوا بالرد الآلي الشهير: "آسفين، هنرجعلك الفلوس بس استنى من 5 لـ 10 أيام عمل!" يعني السيستم بتاعكم يغ غلط ويسحب فلوسي بدون إذن، وفي الآخر
عرض المصدر
M
Mina Medhat
مجموعات فيسبوك· منذ 17 يوم
★★★★★2.0
تجربة سيئة جدًا مع Uber.. ومحتاج أفهم إزاي ده حصل؟ من 5 أيام، يوم 29/8 الساعة حوالي 1:30 ظهرًا، زوجتي كانت رايحة من ميدان السيد البدوي في طنطا إلى الاستاد، ومعاها ابني الصغير عمره 8 شهور. الجو كان عز الشمس، وعشان هي معاها طفل صغير، كنت متابع الرحلة على التطبيق ومستني العربية توصل، عشان أقولها تنزل فورًا وما تقفش في الشارع بالطفل. العربية كانت ظاهرة على التطبيق إنها قربت، ولما وصلت زوجتي نزلت تدور عليها. بعد أقل من دقيقتين اتخصم من الفيزا 32.40 جنيه ودا أقل من سعر الرحله الأساسي. اتصلت بزوجتي وسألتها: "ركبتي؟" قالتلي: "لا، أنا بدور على العربية ومش لاقياها." المفاجأة بقى إن السائق بدأ الرحلة وهي أصلًا مركبتش العربيه! يعني السائق بدأ الرحلة وأنهاها من غير ما تركب العربية أصلًا، وهي كانت في الشارع ومعاها طفل عمره 8 شهور. أنا بالفعل تواصلت مع Uber، والمبلغ 32.40 جنيه تم إرجاعه بالكامل، وده موضح في الـScreenshot. لكن الموضوع بالنسبالي مش موضوع الـ32 جنيه. الموضوع هو: إزاي سائق يقدر يبدأ الرحلة والراكب مش موجود معاه؟ وليه ما حاولش يتواصل معها أو ينتظرها؟ أنا بنشر تجربتي عشان أع
عرض المصدر
S
Shahd Ghazal
مجموعات فيسبوك· منذ 22 يوم
★★★★★1.0
جماعه احنا ركبنا مع الشخص ده ونسينا تليفون ف عربيته ومن بعدها بخمس دقايق اكتشفنا وبنتصل ع التليفون بيدينا مغلق وطبعا اوبر دلوقتي مبقاش ف رقم للتواصل مع السواق بعد ما الرحله بتنتهي للاسف حد يعرفه او يقولنا نعمل ايه عشان نرجع التليفون
عرض المصدر
S
Shahd Ghazal
مجموعات فيسبوك· منذ 23 يوم
★★★★★2.0
جماعه احنا ركبنا مع الشخص ده ونسينا تليفون ف عربيته ومن بعدها بخمس دقايق اكتشفنا وبنتصل ع التليفون بيدينا مغلق وطبعا اوبر دلوقتي مبقاش ف رقم للتواصل مع السواق بعد ما الرحله بتنتهي للاسف. حد يعرفه او يقولنا نعمل ايه عشان نرجع التليفون.
عرض المصدر
H
Habiba Emam
مجموعات فيسبوك (تعليق)· منذ 25 يوم
★★★★★3.0
للاسف الموضوع دا قديم جدا ومعظمهم بيعملوا لازم اول ما تركب تقوله الرحلة متحدثتش عندي هل في مشكله وساعتها بيتحرج ويبدأ الرحلة، عامه اوبر مع انه مقاطعة افضل بكتير من حيث الاسلوب والسعر وعلشان متاح PIN وطرق حماية مختلفة كتير
عرض المصدر
Y
Yousra Ahmed
مجموعات فيسبوك· منذ شهر واحد تقريباً
★★★★★1.0
انا عاوزة افهم يعني ايه اطلب اوبر او ديدي او ان درايف يجيلي من غير تكييف في درجة حرارة ٤٥ و لما اطلب انه يشغل التكييف يقولي التكييف بايظ انا مش فاهمة ليه اي خدمة موجودة في مصر و برا مصر ماتبقاش نفس الجودة؟ ليه الشركات دايما بتقدم جودة اقل في مصر مع ان احنا كمان بندفع فلوس للخدمة ده غير العربيات المكسرة و المهلكة الي بتيجي ده غير اني ممكن اقعد استني مش اقل من ١٥ دقيقة علشان تيجي عربية و في الاخير بتيجي عربية مهلكة و مكسرة و من غير تكييف
عرض المصدر
ا
الشيف إسلام
مجموعات فيسبوك· منذ شهرين تقريبا
★★★★★1.0
الواحد ما بيحبش ينزل مشاكل في جروبات بجد مستغرب من اللي بيحصل مع أوبر وحوارتهم. يوم 12 يوليو 2026 دفعت 85 جنيه لتجديد أوبر وتم. وبعدها يوم 31 يوليو الساعه 6:01 م دفعت 120 جنيه بكارت ڤاليو علشان أشحن رصيدي في أوبر الفلوس اتخصمت من ڤاليو، والعملية عندهم مكتوب عليها ناجحة، بس مافيش فلوس وصلت ل اوبر اصلا. و بعدها اضطريت اني اشحن رصيد من ع فودافون كاش تاني 120 ج الساعه 18:29 م كده حسبوا عمليه واحده اللي هي فودافون كاش و مش حسبوا عمليه فاليو اللي هي بكارت فاليو والاسكرينات موجوده بالوقت. المشكلة إن مفيش حد بيتابع أو بيركز في مشاكل الدفع الإلكتروني انا في الاخر فلوسي فين؟
عرض المصدر
Z
Zelal Qadar
مجموعات فيسبوك· منذ شهرين تقريبا
★★★★★2.0
كنت حابه احكي موقف حصلي من اوبر الجمعة الي فاتت قبل الصلاة طلبت اوبر ولقيت عربية مختلفة عن الي مفروض تجيلي فقولت للراجل ان العربية مختلفة قالي اه ماهي التانية في الصيانة قولتله انا مش هركب الا لما ابلغ اوبر قالي خلاص الغي الرحلة فكنت مستعجلة جدا ومعايا بنتي والمشوار كان بعيد فركبت عربيتي وقولت خلاص انا هسوق لقيت الراجل قاعد يبص عليا مش راضي يمشي فمشيت بسرعة وكنت بحاول الغي الرحلة لقيته جاي ورايا وعمال يزعقلي عشان ملغيتش وهو لغي واخد غرامة المهم بعت لأوبر وحكيتلهم الموقف طلبوا مني رقم العربية واسم الولد قولتلهم اني مش فاكرة رقمها ولا اسمه انا فاكرة ان العربية كانت جيلي والي جات كانت هيونداي قالولي احنا هناخد الأمر علي محمل الجد وبلغي الشرطة فانا معرفش يعني ازاي هما مش عارفين رقم العربية واسمه ازاي انا دخلت علي الرحلة بس مش ظهرلي رقم العربية ولا اسمه معرفش هل هو عملي بلوك ومنعني اشوف الرقم ولا ايه
عرض المصدر
S
Sondos Bahaa
مجموعات فيسبوك· منذ شهرين تقريبا
★★★★★1.0
تجربتي مع أوبر وان (Uber One) سيئة جدا. اولا كانو كاتبين علي الابليكشن أن الاشتراك اول شهر مجانا و فعلا اشتركت، اول ما طلبت عربيه تم خصم من الفيزا ٥ جنيه و بعدها ١١.٧٥ من قبل ما العربيه تيجي اصلا و بعدها مجابليش اي عربيه و لغيت الطلب. اتواصلت مع خدمه العملاء عشان اعرف الفلوس اللي اتخصمت دي ليه و كان الرد تمام هنبعت للقسم المختص و نبقي نكلمك، و طبعا ولا حد كلمني ولا اي حاجه و الكلام ده من اسبوع. بعدها طلبت عربيه واول ما طلبت برضو راح خاصم ٥ جنيه. رجعت كلمت خدمه العملاء برضو مفيش غير 'نقدر سعة صدرك و بعتنا للقسم المختص'. المفروض اشترك في أوبر وان عشان اوفر ولا عشان كل رحله تطلبها حتي لو مش هتم يتخصم ٥ جنيه؟ ثانيا هما كاتبين أن الخصم up to 15% طبعا ده اي كلام و هما ١٠٪ مفيش غيرهم. لا و كمان مثلا لو الرحله ب ١٠٠ ف انت جالك في المحفظه بعد الرحله ١٠ جنيه، الرحله اللي بعدها لو ب ١٠٠ هيستخدم ال ١٠ اللي معاك في المحفظه و بعدين يبقي يرد لك ١٠٪ اللي هو ساعتها ٩ جنيه، و في الاخر كاتبين ١٥٪. ثالثا بيقولك الأولوية في خدمه العملاء لمشتركين اوبر وان، حتي ده مش حقيقي بقالي اسبوع مش باخد منهم غير نقدر س
عرض المصدر
S
Sara Abd AlRhman
مجموعات فيسبوك· منذ شهرين تقريبا
★★★★★2.0
عندي مشكله مع شركه اوبر من يوم ١٥-٧-٢٠٢٦ ومش فاهمه ليه معندهمش كول سنتر فون بدل الرسايل ال بيردو عليها بعد وقت طويل المشكله اني كنت ف طنطا وفتحت الابلكيشن اطلب ودخلت بيانات كارت الفيزا عشان ادفع بيها اول ما دخلت البيانات سحب ٥ ج طب دي رسوم ايه ولا اعرف ماشي طلبت الرحله سحب مبلغ الرحله 83.69 جنيه ، فضلت ربع ساعه الابلكيشن بيحاول يوصلني ب كابتن مفيش والابلكيشن لاغا الرحله وقالي تعذر التنفيذ طب ووقفتي ف المستشفي ب طفله تعبانه ولسه فايقه من البينج عاملين ليه ف مكان الكباتن فيه مش بتوافق مع ان فيه عربيات كتير ظاهره ف الابلكيشن نها شغاله اوبر طب المبلغ ال اتسحب مفيش مرجعش اكلمهم يبعتولي هنشوف المشكله وف الاخر كتبولي ان مفيش حاجه اتسحبت ولما بدخل علي الرحله بلاقي ان المبلغ اتسحب بالفعل + ان رساله البنك موجوده عندي + ان خدمه عملاء البنك قالولي اتسحب ومرجعش اي ابلكيشن بنستخدمه مبيسحبش المبلغ غير لما الكابتن يوافق علي الرحله ويكون جاي بالفعل انما سحب عشان سجلت الفيزا علي الابلكيشن وسحب قبل موافقه الكابتن دا استغلال وضحك علي الناس وعاوزه حل للمشكله
عرض المصدر
M
Moaaz Adel
مجموعات فيسبوك (تعليق)· منذ شهرين تقريبا
★★★★★5.0
الواحد طول عمره بيركب اوبر واندريف عمر ما في حد قل ادبه منهم او اي حاجه وكلهم في قمة الذوق
عرض المصدر
A
Aya Ahmed El Sayed
مجموعات فيسبوك· منذ شهرين تقريبا
★★★★★1.0
طلبت اوبر الصبح من البيت لحد شغل اختي و بعد كده شغلي. لما وصلنا النقطه الاولي اختي قالتله يكمل قدام أنا بصيت في اللوكيشن عشان لو هنمشي زياده لقيت نفس الطريق بتاعي و نزلت هي. بعد كده كملنا لشغلي و لما وصلنا قالي انه عايز فلوس زياده قولتله أنا كنت عارفه انك هتقولي كده ف خدتها سكرين شوت عشان اقولك اننا مشينا علي الطريق قالي أنا كنت همشي من طريق تاني و اسهل من كوبري اكتوبر قولتله لا انت فضلت ماشي علي اللوكيشن زي ما واضح في الصور فوق قعد يزعق و مرضيش يرجعلي الباقي و شتمني و فضل يعلي صوته. و قدمت شكوي و طبعا محدش رد ولا هيعمل حاجه ف أنا بقولكم عشان لو حد ركب معاه تعرفوا.
عرض المصدر
العودة إلى صفحة أوبر