تقييمات شو روم

13 تقييم من المتسوقين

أضف تقييمك

A

Anonymous participant

مجموعات فيسبوك· منذ 26 يوم

★★★★★1.0

اشتريت كوتشى يوم 29/6 من shoeroom. الخامة بتاعته معظمها جلد و قبل ما اشتريه سألت البياع هل الجلد هيقشر و لا لا قال نصا مستحيل يقشر و لو قشر هاتهولى. اول شهر 9 حصل التقشير ده فى الكوتشى يعنى بعد شهرين بالظبط من الشراء و الاستخدام مش يومى يعنى اتلبس تقريبا 8 او 9 مرات و ماتغسلش و لا مرة كان تنضيفه بفوطة فقط بدون مياه. كلمت خدمة العملاء قالولى ماحدش اشتكى من الموديل ده و بنقدملك عرض اشترى اى حاجة من عندنا بخصم 50%. انا ماقتنعتش بالعرض ده لان اكيد انا بشتكى من حاجة انا شاريها من عندك هرجع اجيب حاجة تانى من عندك لمجرد انك هتدينى خصم. فا قولتلهم انتوا بتقولوا ان الكوتشى ماحدش اشتكى منه فا انا هنزل بوست اسأل فيه الناس كان الرد ( لو نزلت البوست اعتبر العرض اتلغى ). قولتلها انا اصلا مش موافق عليه فا مش فارق معايا. نصيحة ماحدش يجرب خط الانتاج الرجالى من shoeroom.

مفيدتعليقمشاركةعرض المصدر

A

Asmaa M Hamdalla

مجموعات فيسبوك· منذ شهر واحد تقريباً

★★★★★2.0

اشتريت سليبر من شو روم اسكندريه فرع سان استيفانو. السليبر كان سعره ١٧٠٠ جنيه ونازل عليه اوفر ب ١٢٥٠ جنيه. اشتريته يوم ١٦/٨/٢٠٢٦ هو من تحت جلد. كل الجلد اللي فيه اتقشر بعد اسبوع بالظبط. روحت الفرع قالولي تمام هنعرضه علي الاداره ونرد علي حضرتك. رد عليها بعدها ب ٤٨ ساعه قالي تمام يافندم تعالي خدي اي حاجه تانيه بنفس القيمه. روحت الفرع ومعجبنيش حاجه تانيه قولتله اني محتاجه ارجع السليبر واسترد فلوسي. قالي مفيش مشكله لانها عيب صناعه. هنتواصل بس مع خدمه العملاء و هما هيرجعوه عادي. تواصلت مع خدمه العملاء وضحتلي انه لازم علشان استرد فلوسي يكون معايا اصل الفاتوره. طيب هل طبيعي شخص يستخدم حاجه ويشيل فاتورتها. قالتلي اه يافندم علشان نشوف لو فيها عيب صناعه. حاجه في منتهي السخافه. طيب انا معايا فاتوره التسليم في الفرع و فيها تاريخ الشراء وممكن تطبعي الفاتوره تاني من عندك. لا يا فندم مش هينفع. احنا علشان نساعدك بس هنبدل مع ان التبديل كمان لازم فاتوره. طيب انا مش محتاجه حاجه تاني. معلش اشتري حاجه للسيزون الجاي.

مفيدتعليقمشاركةعرض المصدر

N

Nada Nona

مجموعات فيسبوك· منذ شهرين تقريبا

★★★★★1.0

مفروض عادى لكوتشى ب الفين جنيه وشويه مكملش ٦ شهور وحرفيا كام لبسه يتعدوا ع الصابع! والاقيه بيقشر بالمنظر ده والسيلر كان بيقنعنى انه هاجى وهاخد واحد تانى كمان كان عاجبنى!

مفيدتعليقمشاركةعرض المصدر

D

Doha Adel

مجموعات فيسبوك· منذ شهران

★★★★★1.0

اشتريت الشنطة دي من براند شوروم في شهر فبراير، المفروض انه محل نضيف ومصنع معروف وشنطه مش رخيصة، بعد شهرين تلاتة بدأت الاكسسوارات لونها يتغير وفجأة الايد اتقطعت وديتها للمحل وهو استلمها مني وبعتها للصيانة وده كان في اخر شهر ٦ وصلتني الشنطة اول شهر ٨ بالمنظر ده بعد الصيانة ولما رفضت الاستلام وتواصلت مع خدمة العملاء كان الرد إن ده أقصى حاجة يقدروا يعملوها كصيانة للشنطة، اللي هي اصلا باظت بعد الصيانة انا لو كنت وديت الشنطة لأي محل بيصلح جزم كان رجعهالي أنضف من كدة، دي رجعالي كدة من المصنع، والرد ان ده اللي عندي وان كان عاجب فانا رفضت استلام الشنطة واستعوضت ربنا في فلوسها وأحب أشكر خدمة العملاء على عدم فايدتهم وردودهم الغير منطقية وأعذارهم الواهية. Shoeroom

مفيدتعليقمشاركةعرض المصدر

T

TrustworthyLychee3915

مجموعات فيسبوك (تعليق)· منذ 4 أشهر

★★★★★1.0

شو روووم وديچاڤو وچوي اند روي كل الاماكن دي راحت عليهم من زمان وحاجتهم بقت سيئة اوي

مفيدتعليقمشاركةعرض المصدر

R

ResilientSeahorse6278

مجموعات فيسبوك (تعليق)· منذ 4 أشهر

★★★★★2.0

انا دخلت فرع ليهم معرفش ليه أسعاره معديه الالف ومعلش براند ايه اللي اسمه يتكتب على الشنطه والاسم غريب جدا

مفيدتعليقمشاركةعرض المصدر

E

Eman Youssry

مجموعات فيسبوك (تعليق)· منذ 4 أشهر

★★★★★1.0

نفس المشكلة حصلت من شنطه جبتها منهم منتجاتهم لو بيلاش مش هشتريها دي قشرت والجلد بقع ودي حاجة اول مرة اشوفها في جلد

مفيدتعليقمشاركةعرض المصدر

R

ResilientJackfruit8074

مجموعات فيسبوك (تعليق)· منذ 4 أشهر

★★★★★2.0

عارفه ان كان عاجبنى شنطة وحوشت تمنها ولما رحت اجيبها ربنا الهمنى انى ابص عليها السيلز اخدها وقالى هحطها فالباج بتاعتها قلتله ثانية واحدة وبصيت لقيت حتة صغننة مقشرة من جنب اليد قلتله لا مش عوزاها عاوزة واحدة تانية قالى اخر قطعة للاسف قلتله دى مقشرة قالى لا ده عيب بسيط قلتله ده هيقشر فخلال شهر والشنطة كدا بايظة وسبتها ومشيت

مفيدتعليقمشاركةعرض المصدر

M

MotivatedChipmunk8551

مجموعات فيسبوك (تعليق)· منذ 4 أشهر

★★★★★1.0

حصل معايا نفس المشكله من شو روم جالي هديه هيلز لبسته ساعتين بالظبط وقشر ووديته قبل الشهر وقالو هنعرضه ع اللجنه الفنيه وبالفعل قالو العيب من عندهم وتعالي استبدليه طب تمام رحت بجد كل حاجه بشعه ووحشه اوي انا مش عايزه اخد حاجه من الكلام ده عايزه فلوسي لا مش هينفع تاخدي فلوسك من غير الريسيت طب هجبلكم الريسيت من فين لا لازم الريسيت علشان تاخدي فلوسك طب ما الحاجه بتاعتكم وفيها عيب وانتو معترفين وعندكم ميعادي وتاريخ الشرا فمش فاهمه بجد

مفيدتعليقمشاركةعرض المصدر

M

Maryam Sherif

مجموعات فيسبوك· منذ 4 أشهر

★★★★★1.0

ليه ممكن يبقي لشنطه غاليه مش رخيصه expire date روحت اشتري شنطه ووتر بروف من Shoeroom بالمناسبه بتعامل معاهم من ٢٠١٨ بشتري كل حاجتي ولوالدتي من هناك السيلز حاولت تبيعلي شنطه جلد فقولتلها اني جبت شنطه وبعد لبستين او ٣ قشرت وانا بشتري من هنا لاني مستعجله مش اكتر قالتلي ازاي كلمي خدمه العملا انا مكنش عندي معلومه ااني محتجتش ولا مره اشتكي منهم ولكن كانو ف منتهي قله الذوق عايزين تاريخ الشرا اللي اكيد كان من فتره مش فكراها ورفضو ياخدو اي اجراء لان الشكوي بعد شهر هل المفروض اني اشتري شنطه فوق +١٥٠٠ جنيه وبيدوني اللي بتكون ف العرض بحجه انها اخر قطعه فرع cfc المفروض البسها شهر واحد او اني افضل البسها اول ما اشتريها كل يوم لمده شهر عشان اتطمن انها تمام مهو طبيعي اشتري الشنطه وملبسهاش او اشيلها او البسها مره واركنها ف ال dust bag بتاعتها بصراحه تجربه فوق السيئه ❌❌❌

مفيدتعليقمشاركةعرض المصدر

M

Mary Gamil

مجموعات فيسبوك· منذ 4 أشهر

★★★★★1.0

مساء الخير ده جبته من شو روم فرع سان ستفانو تمنه ١٦٥٠ بعد اسبوع لبسته لبسه واحده وللاسف قشر زى ما انتوا شايفين اتصلت بيهم بعد اسبوع بيقولى سوء استخدام بقالى شهرين لا بيصلحوه ولا بدلوه ولا حتى عايزين يرجعوه وللاسف جبت اتنين منه واحد ليا وواحد لاختى والتانى عمل نفس المشكله

مفيدتعليقمشاركةعرض المصدر

A

Adham Mostafa

مجموعات فيسبوك· منذ 4 أشهر

★★★★★2.0

انا عندي مشكله مع محل شوروم. مراتي اشترت شنطه في رمضان 2026 ولم تستخدمها ومحتفظه بيها. روحت اشتري جذمه رجالي لبستها حوالي ٣ مرات وبعد شهرين لقيتها مقشره. الشنطه هي كمان مقشره. خامتهم وحشه وخدمه مفيش. من امبارح بنكلمهم مش بيردو، قولت اكتبلهم في التعليقات لقيتهم بيمسحو تعليقاتي، عملولي بلوك ومسحو كل تعليقاتي بدون ما يكلموني ويحلو مشكلتي. انا فلوسي تعبان وشقيان بيها.

مفيدتعليقمشاركةعرض المصدر

A

Aya Fouda

مجموعات فيسبوك· منذ 5 أشهر

★★★★★2.0

تجربة سيئة. اشتريت شوز من شوروم من فرع التجمع CFC كانت مقاس 39 فا كانت كبيرة عليه شويه فا بدلتها من فرع كارفور المعادي بمقاس 38. بعد اسبوعين بالظبط لقيت الشوز من الجوانب اللزق فك من اكتر من مكان معرفش ازاي. روحت الفرع تاني كارفور المعادي اخدوا الشوز و ادوني ورقة بتثبت ان الشوز عندهم و قالولي ف حد هيتواصل معاكي. خلاص 48 ساعه فضلت اكتر من 3 ايام محدش كلمني. كلمتهم قالي ان احتمال تجلهم ع العيد الاربع ياما يقولولي الفرع المتاحة فيه و اروح اجبها طبعا الفرع بعيد عني فا كنت عايزة استلمها من المكان اللي سلمت فيه الشوز اللي هو كارفور. اكدت عليهم اني محتاجاها قبل العيد وانا أصلا موديه الشوز من بدري من يوم 19 /5 النهاردة 24 ليه لحد دلوقت محدش عبرني. خدمة ما بعد البيع سيئه أنا عايزة الشوز بتاعتي ياما اخد فلوسي.

مفيدتعليقمشاركةعرض المصدر