يتفرجيتفرج

تقييمات بيبلا

6 تقييم من المتسوقين

R
Rannah Gamal
مجموعات فيسبوك· منذ يومان
★★★★★4.0
حابّة أشارككم نهاية موضوع المايوه، خصوصًا إني كنت شاركت معاكم بداية الموضوع قبل كده. بعد ما تواصلت مع جهاز حماية المستهلك، وجهوني للهيئة المصرية العامة للمواصفات والجودة لفحص المايوه، وبالفعل التقرير الرسمي أثبت إن القماش فيه عيب. بعد ظهور النتيجة، حماية المستهلك كلموني لاسترداد قيمة المايوه وكمان تكلفة الفحص، وفعلاً تواصل معايا حد من Pepla وتم استرداد المبلغ بالكامل. وكان التواصل من Pepla بخصوص إجراءات استرداد الفلوس واستلام المنتج، وفي آخر الرسالة كان فيه اعتذار عن الإزعاج. بصراحة، كنت أتمنى يكون فيه اهتمام أكتر بالمشكلة نفسها وبالعميل، خصوصًا إن التقرير الرسمي أثبت وجود عيب في المنتج. واللي خلاني حابة أشارك التجربة للنهاية إن للأسف أول ما حد بيشتكي من منتج، ساعات أول رد فعل بيكون الهجوم عليه وكأنه بيحاول يضر البراند. أنا مش هدفي أضر حد، أنا كنت بس بحاول أخد حقي، وده اللي حصل بالفعل. بشكر جدًا جهاز حماية المستهلك والهيئة المصرية العامة للمواصفات والجودة على المتابعة والفحص. ولو حد اتعرض لموقف مشابه، مايسكتش عن حقه وياخد الإجراءات الصح… لأن في الآخر الحق بيرجع لصاحبه. ❤
T
Taghreed Elrouby
مجموعات فيسبوك (تعليق)· منذ 3 أشهر
★★★★★3.0
نفس اللي حصل معايا من سنه و رجعته فضلت مستنيه في الstore 3 ساعات بجد لبسته يوم واحد في البيسبن و كله بقى خطوط بيضه و اللون بهت تماما و عمل كمان كرمشه كانه استك
S
Suha Karam
مجموعات فيسبوك (تعليق)· منذ 3 أشهر
★★★★★3.0
مالها المايوهات اللي من الزنقة ام ٥٠٠ و ٦٠٠ جنيه مقصرتش في حاجة والله
J
JoyfulLynx8740
مجموعات فيسبوك (تعليق)· منذ 3 أشهر
★★★★★4.0
جايبه منهم مايوه لبنتي السنه اللي فاتت وبصراحه الخامه والتقفيل كانو تمام جدا وكمان شيك جدا حضرتك المايوه ده منتوش
S
Sara Salem
مجموعات فيسبوك (تعليق)· منذ 3 أشهر
★★★★★5.0
انا مستغربه من الموقف ده انا اشتريت من عندهم مايوه اونلاين في الشتاء و مقيستهوش ساعتها لما جه الصيف بعدها ب٦ شهور و قيستو كان في مشكله بعتلهم ميل فيه الصور و كنت متاكده انهم مش هيردو لانها غلطتي اني مشفتش المايوه لما استلمته رغم كده خلوني اختار مايوه جديد و بعتهولي و خدو القديم
N
Nada El Naggar
مجموعات فيسبوك· منذ 3 أشهر
★★★★★2.0
للأسف حابة أشارك تجربة سيئة جدًا مع Pepla. ❌❌ اشتريت الـ Rashguard ده يوم 25/5/2026 من فرع سيتي سنتر الماظة، وسعره مش قليل، فطبيعي كنت متوقعة جودة وخامة تستحمل أكتر من كده. بعد أول استخدام في البول فقط، من غير بحر ولا رملة ولا صخور ولا أي استخدام عنيف، اتفاجئت إن القماش بالشكل اللي في الصورة والخياطة بدأت تفك. تواصلت مع خدمة العملاء وشرحت لهم إن المشكلة واضحة في القماش والخياطة، لكن الرد كان إن ده مش عيب تصنيع وإن أكيد حصل احتكاك بحاجة خارجية. وبعدها تم إبلاغي إن قسم الجودة شايف إن المنتج سليم ومفيهوش أي مشكلة في القماش. وانا غلطانه اني ماشوفتش نكويس المايوه قبل ما اشتريه و الموظف لا شافه قدامي و اتاكد انه سليم زي ما هي كاتبه بصراحة، اللي ضايقني مش المنتج بس، لكن طريقة التعامل مع الشكوى وعدم وجود أي محاولة للوصول لحل أو حتى فحص الحالة بشكل يراعي حق العميل، خاصة إن المنتج لسه جديد جدًا. في النهاية قلت لهم إني هتقدم بشكوى لجهاز حماية المستهلك عشان جهة محايدة هي اللي تقيم الحالة وتحدد إذا كان ده عيب في المنتج أو لا. أنا بنشر تجربتي الشخصية عشان أي حد ناوي يشتري يكون عنده صورة كاملة
العودة إلى صفحة بيبلا