اشتريت باليت من الويبسايت دا علي اساس انها اوريجنال وللاسف طلعت كوبي. لما وصلتني قارنتها باللي معايا اللي انا شرياها من الاستور نفسه وكان واضح جدا الفرق بينهم ف الكوالتي. بلغتهم اني عايزه ارجعها لانها مش اوريجنال لكن للاسف هما مصممين انها اوريجنال بحجه ان محدش اشتكي منها قبلي! طلبت منهم فاتوره الشراء او اي اثبات انها اوريجنال مفيش! هي بس مقاوحه ومن كتر ماهما مصممين وشككوني ف نفسي طلبو انزل ستور اوريهم الباليت بس اصلا الباليت دي مش موجوده في ستور هنا والبراند ملهمش مكان في مصر. نزلت علي جروب للميكب سيلر كلهم اجمعو انها كوبي من الصور!! بقالي اسبوع ببعتلهم ومفيش فايده بعد ماقالولي هيتم التواصل رجعو بردو يتكلمو انها اوريجنال. انا كده كده هتخذ اجراء قانوني لانهم بيبعوا حاجه بسعرها الاصلي علي اساس انها اوريجنال وهي مضروبه! بس دا تحذير لاي حد يشتري منهم لان اعلاناتهم مغرقه الدنيا وعاملين اوفرز وهي الحاجات اصلا متستاهلش ربع تمنها بجد. دا غير ان العلبه جيالي مقطوعه من برا وان الشحنه جيالي من غير اي بوليصه شحن ولا فاتوره. وكمان اللي سلم الشحنه طلب زياده ١٠٠ جنيه من اختي لانها استلمت الشحنه بداله
نُشرت في جروب فيسبوك بتاريخ 20 أغسطس 2026، والمنشور الأصلي لم يعد متاحًا.