اشتريت جاكت من لوكل براند نورهان الشوري #norhanelshouradesigns المفروض انها مشهوره بالخامات العاليه بتاعتها و الجاكت من تاني لبسه وبقي المنظر اللي في الصور ده كله موبر في الكم و الجناب و الضهر.. باعتلهم الاول قالولي احنا بناكدلك ان دي حاجه مش بتحصل وسكتوا!! تمام قلتلهم مصدقاكم بس حصلت معايا ايه الحل؟ قالولي احتا رجعنا للقسم المختص و هما كمان اكده ان دي حاجه مابتحصلش وان القطعه خامتها كويسه. و ممكن شنطه اللي تكون عملت كده!!! قلتلهم شنطه ايه اللي تعمل كده في الكمين و الضهر كمان! هو مش منطقي اني اجيب جاكت (مش هاقول غالي ولا رخيص) ايٍ كان سعره مش منطقي يتلبس لبستين و يترمي. قالتلي تاني هترجع للاداره و يرجعولي.. بعد اسبوع كان ردها ان بعد المراجعه الاداره اكدت ان الخامة كويسه و مش بتوبر و شكراً لتفهمك🙄🙄 لا بصراحه مش متفهمة اصلا الاداره اكدت الكلام ده بنأّ علي ايه؟ طيب كنتوا اخدتوا القطعه حتي مني فحصتوها عشان احاول اصدق مثلا ولا هو الفحص والمراجعه دلوقتي بقي بيظهر من خلال الصور؟! و بعدين ايه اللي ممكن اكون عملته في الجاكت خلاه بالمظر ده من تاني لبسه المفروض مش نقاطع بس البراندات العالميه لا