حصل معايا نفس الكلام ده بنفس تاريخ الإنتاج ده و واضح جدا انه التشغيله دى فيها حاجه غلط اتصلت ب جهينه و اتواصلوا معايا و بدلوا لى العبوات بعددها بتاريخ تانى و طلع افضل فعلا خلال يومين بسسسسس
نُشرت في جروب فيسبوك بتاريخ 10 أكتوبر 2026، والمنشور الأصلي لم يعد متاحًا.
O
Osama Sedik
مجموعات فيسبوك·
★★★★★1.0
تعديل : هي الناس ماسكة في امازون ليه ؟ انا كتبت انه من امازون عشان محدش يقول سوء تخزين ، انا بشتري لبن جهينة اللتر واللتر ونص المنفصل بره العلبة من زمان من امازون ومفيهوش أي مشاكل ، ده غير ان اللبن مكملش عشرين يوم من تاريخ الانتاج واحنا مش في الصيف يعني هي مشكلة جهينة مليون في المية ، مش عارف خط الانتاج ده بقي ولا التشغيلة بس العلبة من اول الباكجنج لحد المنتج نفسه وهي رديئة جدا ولا تصلح منتج غذائي لحيوان حتي ، اللبن جاي طالع فاسد من جهينة وحتي لو العلبة حصل فيها ثقوب ميكروسكوبية فرضا وهي سليمة للعين المجردة تماما فده برضو عيب منهم لان الكرتونة ضعيفة جدا مقارنة باللبن اللي بره العرض سواء اللتر او اللتر ونص ، فكتير من اللبن هيبوظ برضو
اشتريت علبة ال ٦ لتر لبن من علي امازون اللبن جيه بايظ ومعطن وبطني وجعتني من الكمية الصغيرة اللي شربتها اللبن طعمه بشع ، لو كان طفل صغير شربه ايه الموقف ؟ اللبن ريحته وطعمه بشعة بشعة بشعة وتجيب المرض ، انا شكيت فيه اول ما مسكته العبوة طرية وفاقدة تماسكها، ومش بنفس صلابة العبوات الطبيعية مش زي اللتر واللتر ونص اللي كنت بشتريها منفصلة أبدا Juhayna Everydayy
نُشرت في جروب فيسبوك بتاريخ 10 أكتوبر 2026، والمنشور الأصلي لم يعد متاحًا.
إزاي علبة بودينج تتباع وهي بايظة وريحـتها مقرفة، ولسه فاضل على صلاحيتها فترة؟! هو تاريخ الصلاحية بقى مجرد طباعة على المنتج؟ ومش طبيعي ان منتج فاسد بيتباع للمستهلك بكل بجاحة كده!
نُشرت في جروب فيسبوك بتاريخ 1 أكتوبر 2026، والمنشور الأصلي لم يعد متاحًا.
حابة أقدم شكوى بخصوص لبن جهينة اللي اشتريته مؤخرًا. للأسف اشتريت أكتر من عبوة من أماكن مختلفة، وفي كل مرة كانت ريحة اللبن سيئة جدًا وغير طبيعية لدرجة إنه غير صالح للشرب نهائيًا، وده خلاني أشك إن فيه مشكلة في المنتج أو في أحد التشغيلات. الموضوع اتكرر مع أكتر من عبوة ومن أكتر من مكان شراء، فأتمنى منكم مراجعة الموضوع والتأكد من جودة المنتج والتشغيلات الموجودة في السوق، لأن دي مش تجربة طبيعية بالنسبة لمنتج بنثق فيه. ممكن أعرف من حضرتكم إيه الإجراء المتبع في الحالة دي؟
نُشرت في جروب فيسبوك بتاريخ 30 سبتمبر 2026، والمنشور الأصلي لم يعد متاحًا.