يتفرجيتفرج

تقييمات جاك

47 تقييم من المتسوقين (صفحة 1 من 3)

أضف تقييمك

Z
Zakaria Khaled
مجموعات فيسبوك (تعليق)· منذ 8 أيام
★★★★★1.0
أسوأ خدمة عملاء ممكن تتعامل معاهم في حياتك
M
Mona Elaraby
مجموعات فيسبوك (تعليق)· منذ 8 أيام
★★★★★1.0
جاك اسوأ شركه تتعاملي معاها بقالي سنه ونص طلعوا عين اهلي ادولي غساله من اول يوم بايظه وبييجوا ياخدوها بعد. ميه اتصال وميه شكوه ويصلحوها وكل شهرين تبوظ بااظت ف خلال سنه ونص اكتر من 5 مرات وخدمه عملاء زفت وردود وحشه
ل
لـذة غـرام
مجموعات فيسبوك· منذ 8 أيام
★★★★★2.0
اشتريت دسبنسر من شركة جاك وبعد شهرين نقطه، اتصلت وعملت بلاغ وقدمت الفاتورة، قالوا تمام الجهاز داخل الضمان. بقالهم كتير وكل ما اتصل يقولوا نعتذر عن التأخير. شركة سيئة جدا. ياترى ايه حكمتهم في التأخير اننا في صيف واروح استعجل واجيب حد يصلحه عشان الجهاز يطلع من الضمان ولا ايه، وايه التصرف معاهم يكون ازاي؟!
Y
Yusry Boshra
مجموعات فيسبوك (تعليق)· منذ 9 أيام
★★★★★1.0
حصل معايا كده وطلع العيب من القارورة
D
Doaa El-Sherbiny
مجموعات فيسبوك· منذ 9 أيام
★★★★★1.0
السلام عليكم ماحدش يشترى من جاك مبرد مياه اطلاقا ⚠️ احنا اشترينا الدسبنسر ده ماركة چاك فرع المرشدى اكتوبر واول ماجبناه بنشغله طلع فيه مشكلة و رحنا المرشدى فيه عيب صناعة و ادونا واحد تانى جديد و جبنا الجديد برده بعد شوية الحنفيه الساقعة بتنقط علطول صلحنها احنا بعدين اشتغل شهرين تلاتة كتر خيره و باظ فجأة بيوقع مايه بشكل رهيب كنا لسه جايبين القرورة جديده و نمنا صحينا لقيناه مغرق السجادة و وراه و كله الحمدلله ان ماحصلش ماس كهربائي و كانت بقت كارثة لان كنا نايمين و كلمنا خدمة العملاء و عملنا شكوى و قاله هنبعت حد يشوفه، وماحدش جه ولا اى حاجه مافيش اى تصرف منهم هو بس نتصل نفضل على الويت و بعدين يقفلوا فى وشنا السكة المحترمين ....ف ياريت ماحدش يفكر يشترى منهم ابدا مبرد مياه ده غير انه لما كان شغال كان تبريده ضعيف جدا جدا ده غير طبعا منظر السلوك اللى فى الظهر اللى باينه وخطيرة ماحدش يفكر يشتريه ولو ببلاش يا جماعة خدمة عملاء صفر ⚠️ خدمة ما بعد البيع صفر ⚠️ جهاز حماية المستهلك المصري
M
Marwan Shaheen
مجموعات فيسبوك (تعليق)· منذ 19 يوم
★★★★★1.0
يعنى اكتر حاجه عملتها غلط انى اشتريت البراند ده التابلت بتاع ابنى انظف منه و الله بطئ و ممل و لا ليه علاقه بالسمارت اساسا قلبته خليته للبلاى ستيشن بس ده اخره
M
Mohamed A. Ouf
مجموعات فيسبوك· منذ 19 يوم
★★★★★2.0
اشترينا شاشه ٥٠ بوصه من jac سبتمبر ٢٠٢٤ والضمان سنتين كما مرفق بالفاتورة والضمان حصل ليها عطل من شهر . كلمنا خدمه العملاء بتاعتهم وسجلنا طلب صيانه من شهر و لحد دلوقتي محدش كلمنا وكل اما نكلمهم يقولوا هنبعت فني يصلحها ملحوظه باقي ع الضمان اسبوعين و ينتهي ..
M
Mahmoud Diab Saeed
مجموعات فيسبوك· منذ 24 يوم
★★★★★1.0
تجربتي مع شركة JAC وخدمة ما بعد البيع للأسف تجربة سيئة جدًا. شاشة JAC TV مقاس 55 بوصة تعرضت لعطل أدى إلى قطع الصورة، ومنذ يوم 5 أغسطس وأنا أتواصل مع الشركة لحل المشكلة. الشركة طلبت مني الفاتورة والضمان، وقمت بتوفير المطلوب، ومنذ ذلك التاريخ وأنا في تواصل مستمر معهم. المشكلة أن التواصل أصبح شبه يومي، وكل مرة نفس السيناريو: انتظار طويل، وأحيانًا يتم إغلاق المكالمة دون حل أو رد واضح، وعندما أصل لخدمة العملاء يكون الرد المعتاد: "جاري مراجعة الفاتورة.". طيب، السؤال هنا: مراجعة الفاتورة تستغرق كام يوم عمل؟ لأننا من 5 أغسطس وحتى اليوم 23 أغسطس، وما زالت الفاتورة قيد المراجعة! هل كل هذه المدة من أجل مراجعة فاتورة وبدء إجراءات إصلاح شاشة معطلة؟ للأسف، ما يحدث بالنسبة لي أصبح يبدو وكأنه مماطلة وتهرب من التعامل مع حق العميل، بدلًا من تقديم خدمة ما بعد البيع بالشكل الذي يليق باسم الشركة. خدمة العملاء أقرب للرد الآلي من كونها خدمة حقيقية، ولا يوجد موعد واضح لحل المشكلة أو حتى توضيح حقيقي لما يتم اتخاذه من إجراءات. أنا لا أطلب شيئًا استثنائيًا، أنا فقط أطلب إصلاح المنتج طبقًا للضمان وتقديم خدمة ما ب
F
Farag Mohamed
مجموعات فيسبوك· منذ 30 يوم
★★★★★1.0
اشتريت جهاز ميكرويف من شركة چاك للاجهزه الكهربائية وفيه عيب صناعة ولما تواصلت معاهم قالولي ادفع فلوس ونبعتلك فني ياخد الجهاز ورفضوا التصليح والجهاز في الضمان نصيحة لا تتعاملوا معهم وقدمت شكوى في جهاز حماية المستهلك المصري وكل ما انزل رد او بوست علي صفحتهم يمسحوه
A
Ayman Reda
مجموعات فيسبوك· منذ 27 يوم
★★★★★1.0
تم شراء مبرد مياه جاك بتاريخ ٢٥ ديسمبر ٢٠٢٥ و تم بدأ استخدامه فبراير ٢٠٢٦ فى شهر يونيو اصبح لا يبرد تم عمل طلب صيانه من شهر يونيو حتى شهر يوليو و لا حياه لمن تنادى تم عمل شكوى فى جهاز حمايه المستهلك اخيرا تم سحب الجهاز بعد تدخل حمايه المستهلك بتاريخ ٤ اغسطس و دفع ٢٠٠ جنيه نظير المعاينه و السحب على اعتبار ان تسليم الجهاز بعد ١٥ يوم للأسف حتى اليوم ١٨ اغسطس لم يتم التواصل منهم ولا تسليم الجهاز و حمايه المستهلك تتابع كل كام يوم استلمت ولا لا هل عند حضرتك جديد ام لا اسوأ خدمه ما بعد البيع
F
Farag Mohamed
مجموعات فيسبوك· منذ 29 يوم
★★★★★1.0
JAC اشتريت منهم ميكرويف وفيه عيب صناعة وتواصلت معهم ورفضوا يرسلوا فني يصلحه وطلبوا اني اوديه المقطم او مدينة بدري مع العلم اني ساكن في أكتوبر وهذا مخالف لقانون جهاز حماية المستهلك المصري ورفضوا يصلحوه وتقدمت بشكوى لجهاز حماية المستهلك ارفقت فيها الفواتير والضمان والمحادثات وللاسف الشركة المحترمه بدل ما تناقش المشكله لما كتبت رد علي صفحتهم مسحوه كتبت رد مرة أخرى مسحوه وكان الأولى انهم يحلوا المشكله لكنهم خالفوا قانون حماية المستهلك وقدمت شكوى من سوء معاملتهم ورفضهم لاصلاح الجهاز بالاضافه انهم طلبوا مني اني ادفع رسوم 390 ج علشان يبعتولي فني ياخد الجهاز ومع العلم اني تساهلا وتعاونا مني لحل المشكلة وافقت علي ذلك لكنهم اخبروني ان الادارة رفضت ذلك أيضا كتبت البوست هنا لما نشوف بقي هيمسحوه من هنا كمان ازاي. نصيحة محدش يتعامل مع شركة @JAC جهاز معيوب وكمان خدمه عملاء سيئة وكمان بيمسحوا ردودنا علشان بتقول الحقيقة علشان يضحكوا علي الناس مفيش مهنية ولا مصداقية في التعامل بنتكلم علي جهاز كهربائي ممكن يكون اثاره انفجار والاساتذه المحترمين بيتجاهلوا شكوتنا وكمان مش عايزينا نبلغ عن اجهزتهم الفاشله
M
Mo Na
مجموعات فيسبوك· منذ شهر واحد تقريباً
★★★★★1.0
عايزه احكي تجربتي مع جاك اشتريت غساله 10 كيلو هاف اتوماتيك م سنه وكام شهر او ما فتحت الكرتونه ولسه بجربها لقيت الماتور بتاعها العصاره محروق العصاره مش شغاله اصلا والغساله مخرومه م تحت وبتنزل كل المياه اللي فيها كلمتهم الف مره وبعد خناقات وميه شكوي جوم خلال شهر خدوها وبعد ميه اتصال جابولي واحده غيرها، شهرين ونص وباظت نفس الاعطال حرفيا اتصلت ميه مره وطبعا خدمه عملاء زي الزفت ويقولوا كلام ومينفذوش جوم خدوها تاني ودفعوني 300 ج ورجعوها خلال اسبوعين طبعا 3 شهور ونفس العطل واتصل وشكاوي وخناقات جوم خدوها صلحوها تاني برضو وخدوا 300 ج تاني اخر مره م كام شهر برضو مش اكتر م 3 شهور باظت ونفس الاعطال وبقالي داخله ف شهرين خناقات وجوم اخدوها اخيرا وبقالي اسبوع اتصل بيهم والمندوب يغير ف مواعيده وبقالي اسبوع رنيت مرات كتير عليهم اقولهم هاتول الغساله وخلصوني مفيش فايده يقولوا الاسبوع الجاي رني نحددلك يوم قولتلهم خلوا مسؤل يكلمني وكلمتني تيم ليدر قالتلي مش هيجيلك النهارده اقولها معايا اطفال بقالي شهر مغسلتش بسببكم تقول رني الاسبوع الجاي نحددلك يوم يجيبلك المندوب الغساله قولتلها لا مش عاجبني الكلام رمتني
R
Ragiy Khamis
مجموعات فيسبوك (تعليق)· منذ شهر واحد تقريباً
★★★★★1.0
المشكلة انهم بيلعبوا بالناس وبيسوفوا معاهم ومبيردوش عليهم طالما شغلهم بايظ المفروض يقفلوا مصانعهم مش يبتزوا المصريين ويضحكوا عليهم وعايزين يكسبوا وخلاص لازم يبقى فى حل للمصانع اللى زى ديه
N
Noha Salah
مجموعات فيسبوك· منذ شهر واحد تقريباً
★★★★★1.0
جاك أسوء منتج و أسوء شركة و أسوء خدمة عملاء انا اشتريت الجهاز ده من رنين يوم ٢٥ / ٦ يعني جديد و لسه في الضمان و بعد اسبوع ابتديت الاقي مياه تحت في الثلاجة و كان صعب عليا انقله و ارجعه تاني كلمت خدمة العملاء و شرحتلها قالت ده تسريب داخلي في حد هايجي و من سعتها بقالي شهر كل يوم يقولوا بلفنا و حد هيتواصل معاكي يا فندم و مفيش حد بيتكلم او بيسأل و النهارده بتصل من الصبح يفتحوا الخط و يعلقوا و يقفلوا في وشي السكة اكثر مرة يعني حاجة منتهى قلت الذوق يعني مفيش اي نوع من خدمة ما بعد البيع بجد منصحش حد يشتري من جاك اي حاجة لان فلوسه هتترمي في الارض
H
Hagar Hesham
مجموعات فيسبوك (تعليق)· منذ شهر واحد تقريباً
★★★★★1.0
للاسف بردو كان عندي مشكله معاهم و نفس السيناريو .. حماية المستهلك قطعا
M
Mostafa Elbakry
مجموعات فيسبوك· منذ شهر واحد تقريباً
★★★★★1.0
اشتريت مبرد مياه ماركة JAC (جاك) من رنين يوم 20-6-2026. التزمت بالتعليمات تماماً وانتظرت 3 ساعات قبل التشغيل، والنتيجة: 1️⃣ المبرد مش بيسقع المياه أصلاً. 2️⃣ الموتور مش بيفصل نهائياً. 3️⃣ مجمع ثلج من الخلف وبيعطل. لما تواصلت مع رنين عشان أرجع المنتج، كان الرد إني أتواصل مع صيانة جاك بنفسي وهما برة المسؤولية! ولما تواصلت مع صيانة JAC، تجاهل تام لمدة 3 أسابيع، وبعدها بعتولي رقم واتساب للصيانة 'مقفول 24 ساعة'، ولو فتح يوم في الأسبوع ما حدش بيرد على الرسائل ولا في أي اهتمام ببدل أو تصليح المنتج اللي جاي بايظ من الكرتونة! منتهى الاستهانة بالعميل وبفلوس الناس.. منتج سيء وخدمة عملاء وصيانة أسوأ بكل المعاني!
S
Shereen El Oraby
مجموعات فيسبوك· منذ شهر واحد تقريباً
★★★★★1.0
أكتر من شهرين بتواصل معاهم علشان يصلحولي المبرد ومحدش بيجي شركة بجد سيئة ولا انصح ان حد يشتري منهم او يتعامل معاهم لان خدمة ما بعد البيع والصيانة عندهم سيئة..المبرد بتاعهم جودته سيئة عمال ينقط زي ما انتم شايفين كده وكل المطلوب تغيير حنفية مش اكتر بدل ما الماية عمالة تتهدر بالشكل ده بقالي اكتر من شهرين بتواصل معاهم ومابيقولش غير هنبعتلك حد ياخد المبرد علشان يروح المصنع ويتصلح ومحدش بيجي ابدا..انا مش فاهمة هما مستنيين ايه!! لما المبرد يخرج من الضمان!!!!! الاسوء والمقلق في الموضوع ده هو انهم بقالهم شهرين بيوعدو ومش بيوفو..يا ترى لو في يوم من الايام اخدو المبرد علشان يتصلح هل هيرجعلي تاني؟ انا فقدت الثقة فيهم وماطنش انه هيرجع لو راح يتصلح عندهم
M
Menna'allah Mostafa
مجموعات فيسبوك (تعليق)· منذ شهرين تقريبا
★★★★★1.0
عندي نفس المشكله وكذا مشكله تانيه في جهاز جاك والشركه رفضت الاستبدال اسواء شركه
M
Mohamed Fadl
مجموعات فيسبوك· منذ شهران
★★★★★1.0
أسوأ تجربة خدمة ما بعد بيع مع JAC - نداء لإدارة الشركة ولحماية المستهلك ​حابب أشارك معاكم تجربتي السيئة جداً مع شركة @JAC عشان محدش يقع في نفس المشكلة ويبعد عنها. ​اشترينا كولدير من عندهم لشقتى (عريس جديد) وجيت أشغله مبيبردش، كلمت الدعم الفني علي طول يوم 2 يونيو وعملت شكوى. الفني شرفني يوم 11 يونيو وأخده معاه على أساس إنه هيرجع في أسرع وقت وقال مش هينفع اعمله هنا. ​عدي 15 يوم ومفيش حس ولا خبر، بكلمهم قالولي أصل الجهاز لسه واصل المقر وهيخلص الأسبوع الجاي! عديت الأسبوع و بعده 15 يوم كمان، وداخلين في أكتر من شهر كامل والجهاز غايب ومحدش عارف هيرجع امتى، وكل ردود خدمة العملاء المحفوظة والمستفزة: "هنعمل لحضرتك استعجال". لو اعرف ان دا هيحصل كنت رجعته مكان ما اشتريته وجبت من شركة تانيه بجد شركة غير محترمة في مواعيدها ولا في خدمتها، وندمان جداً إني م رجعتوش من الأول وجبت من شركة تانية بتفهم في الأصول وخدمة العملاء. ​ياريت حد يقولي المفروض اعمل اي هل شكوي ف حهاز حماية المستهلك هتعمل حاجه ولا المفروض اعمل اي علشان زهقت منهم
H
Hany Mohamed
جوجل· منذ أكثر من سنتين
★★★★★1.0
Website is not working
العودة إلى صفحة جاك