تقييمات فيت آند فيكس

40 تقييم من المتسوقين (صفحة 1 من 2)

أضف تقييمك

M

Medo Ahmed

مجموعات فيسبوك· منذ 26 يوم

★★★★★1.0

اتعرضت لموقف عجيب مع Fit and Fix، مفيش اي مسؤولية او التزام او احترام للعميل. عندي فردتين كاوتش اتقطعه بسبب حفرة في طريق و شفت اعلانات عن road hazard warranty من Fit and Fix. طلبت ٤ كاوتشات و تم خصم قيمة المعاملة بس الاوردر لم يصل و متعطل اكتر من اسبوع. تفاجئت بحد بيتصل بيا يبلغني اني لازم اجي اركب الكاوتش في محافظة تانية بعيد عني ١٥٠ كم، رفضت. بعد يومين حد تاني كلمني قالي هنعمل اكسيبشن و نسلمك الكاوتش في محطة اتوبيس محافظة تانية وانت اشحنه بس طبعا الضمان هيتلغي! رفضت. اخر حاجه المفروض ان مدير المنطقة اتدخل و بلغوني انه وافق اني استلم الكاوتش من محطة اتوبيس عن طريق مندوب ثقة من طرفي و اشحنه في اي اتوبيس او مكروباص. هخسر الضمان الي هو اصلا كان الدافع اني اشتري من Fit and fix. مفيش اي نوع من المسؤولية ولا الالتزام و لا تقدير العميل. تجربة لا انصح بيها ولا انصح بالتعامل معهم نهائي.

عرض المصدر

Y

Youssef Reda

مجموعات فيسبوك· منذ 26 يوم

★★★★★1.0

خدمه عملاء اخر استهتار و اسخفاف ب وقت الناس. روحت اشتريت بطاريه و طلبت فاتوره الكترونيه من المكان، الفاتوره طالعه كاتب بدل اسمي، كاتب كود البطاريه بدل اسمي. برجعلهم بقوله يباشا اسمي فين ف الفاتوره، بيحاول يقنعني ان الفاتوره كده مضبوطه و ان مفيش غلط. بعد م اكتشف ان فيه غلط عمله و ان بدل م يكتب اسمي، كتب كود البطاريه. خلاص عدل الفاتوره الالكترونيه و اكتب اسمي، زي اي مكان محترم بيعدل الفاتوره في ساعتها و وقتها، طب استني نبعت ميل عشان نلغي الفاتوره القديمه، اكتر من ٤٨ ساعه عشان الميل يتبعت. هه خلاص الميل اتبعت، بعد اذنك ممكن الفاتوره المضبوطه اللي فيها اسمي، يقولي السيستم عطلان و مهنج و مش عارف اطلع فاتوره. بجد خدمه مستهتره و استخفاف بالناس و وقتها.

عرض المصدر

D

Dina Bassiouni

مجموعات فيسبوك· منذ شهر واحد تقريباً

★★★★★2.0

اشتريت عجله من @fix and fit ماركه بريدجستون فرع زيزينا اتخرمت بعد شهرين من الجنب وكنت علي الصحراوي صلحتها ب باتش عند اقرب مكان تصليح العجل روحت ليهم تاني يوم وقلت لهم العجله مكملته شهرين وانحرمت من الجنب يقولو لي ملناش دعوه ديه طلعت من الضمان عشان صلحتها بره طيب حاضر حمشي بيها مخرومه لحد مااوصلكم Fit & Fix @

عرض المصدر

A

Ahmed El Sayed

مجموعات فيسبوك· منذ شهر واحد تقريباً

★★★★★5.0

تعالوا أحكي لكم على موقف مش لذيذ حصلي النهاردة . موقف ممكن يحصل مع ناس كتير و هو إنك تيجي تدور العربية و هوب شكراً مش عاوزه تهوب ، ودور بقى يا معلم على حد معاه وصلة ، اه ما أنا للأسف مش معايا الوصلة السلك الأحمر و الأسود ، المهم صديقي الجميل جابلنا تاكسي و عمل وصلة للعربية و اشتغلت الحمد لله ، طبعا مش عارف هعمل ايه و قاعد بفكر في ثمن البطارية و احسب ايه و منين ....... ، صديقي اقترح و قالي تعالي نروح Fit & Fix نكشف على البطارية ، طبعا طول الطريق مش عارف هعمل إيه لو طلعت شكراً باي باي بطارية . المهم وصلنا Fit & Fix فرع ابن سندر سألنا عاوزين نكشف على البطارية و للأسف طلعت فعلا شكراً مع السلامة . دخلنا جوة في المبيعات و سألنا و بصراحة الأساتذة اللي هناك محترمين و معاملتهم ذوق و شرحوا إيه الأنواع المختلفة اللي عندهم من بطاريات بوش و Ac Delco و كلورايد . بصراحه نقيت Chloride Gold و الحلو و المفاجأة إن عندهم تقسيط على 12 شهر تريبل زيرو الحمد لله. والمميز كمان مع شراء كلورايد بتاخد خصم 500 جنيه على الإكسسوارات المتواجدة بالفرع و طبعا اخترت وصلة البطارية عشان متسوحش تاني زي النهاردة. النصيحة أو

عرض المصدر

M

Muhammad ELbishbishy

مجموعات فيسبوك· منذ شهران

★★★★★1.0

تجربه سيئة جدا مع شركه Fit&Fix للإطارات. اشتريت في مارس 2026 4 فرد. والتأكيد علي اختيار جودة لظروف السفر. علما ان انتاج الفرد ديسمبر 2025 حديث الإنتاج. ومع الاستخدام والسفر يحدث امور غريبه بسبب تلك الإطارات. وفي يوم السبت الماضي 25 يوليو أثناء السفر علي طريق اسكندريه الصحراوي للقاهرة العجله اليمين خلفي ريحيت وتم التوقف وتركيب الاستبن. وبالرجوع لفرع الشركه في سموحه اسكندريه التعامل بقله ذوق وأدب ودي مشكتلك ومالكش حاجه عندنا. وتم طلب عمل فحص للعجله وبعد 5 ايام يتم الرد بالرفض والسبب انك اخدت مطب او حفرة. علما ان علي طريق سريع اولا. ثانيا لو افترضت كلامهم صح هتيجي في فرده واحده مش اكتر. ثالثا والاهم الطرق كلها فيها مطبات وحفر وفواصل كباري. معني كدا ان كل يوم تغيير فرد كاوتش بسبب ظروف الطرق. التعامل بمنتهي الاساءة وعدم الاحترافية. وتم تقديم شكوي في جهاز حمايه المستهلك. لانه مش طبيعي في 3 شهور يحصل كدا علما ان صلاحيه الفرد من 60 الف او 5 سنوات حسب تاريخ الانتاج.

عرض المصدر

A

Ahmed Mohamed

جوجل· منذ 5 أشهر

★★★★★5.0

معاملة احترافية ومحترمة جدا

عرض المصدر

Y

Youssef Atwa

جوجل· منذ 4 أشهر

★★★★★4.0

Great service but overpriced.

عرض المصدر

A

Ahmed Abbas

جوجل· منذ 4 أشهر

★★★★★5.0

مكان مميز وخدمة ممتازة

عرض المصدر

M

mohamed rashed

جوجل· منذ 4 أشهر

★★★★★1.0

خدمه سيئة ولاتوجد بها ضبط زوايا ؟؟؟؟؟

عرض المصدر

M

Mohsen Abdelrahim

جوجل· منذ 3 أشهر

★★★★★5.0

عرض المصدر

M

mohamed elrepeey

جوجل· منذ 3 أشهر

★★★★★1.0

خدمه زي الزفت ومستني ٣ ساعات علشان اظبط زوايا بس وموظف الاستقبال بياخد رشاوي من الناس علشان يدخلهم قبل الدور و معامله زباله ومش هسكت وهعمل شكوي حالاً

عرض المصدر

A

Alaa Fahmy

جوجل· منذ 3 أشهر

★★★★★5.0

Very good and very professional. And scooter service is really very helpful if your battery is dieing

عرض المصدر

أ

أغاني وعجباني أبو منير

جوجل· منذ 3 أشهر

★★★★★5.0

خدمة ممتازه ومعاملتهم وأسلوبهم متطور

عرض المصدر

R

Red-Tiger

جوجل· منذ 3 أشهر

★★★★★5.0

ينقصهم تنوع المعروض و الموديلات المختلفه من الاطارات

عرض المصدر

D

doaa ibrahim

جوجل· منذ 3 أشهر

★★★★★1.0

المكان سىء وغسيل العربيه بجد اي كلام واخد مني ٢٥٠ غسيل عادى و ٥٠ ايرانيه ومش عجبه وكل ما أقوله علي حاجه يقولي مش بتتعمل ، بجد اسوء مره غسلت العربيه

عرض المصدر

Y

yahia abdallah

جوجل· منذ 3 أشهر

★★★★★1.0

عن تجربه اسواء مكان ممكن تفكر تغير فيه كاوتش... كاوتش فرز تاني سعر مضاعف خدمه عملاء من اسواء ما يكون

عرض المصدر

Y

Yehia Tantawi

جوجل· منذ 3 أشهر

★★★★★5.0

عرض المصدر

S

Sameh Refat

جوجل· منذ ما يقارب سنتين

★★★★★5.0

مكان محترم جدأ جدأ والقائمين علي المكان ناس في منتهي الاحترام والعاملين بالمكان في منتهي الاحترام أيضا وخدمة العملاء ناس محترمين جدا وايضا فرع مدينة نصر بداخل محطة بنزين توتال بجوار السراج مول يوجد أيضا مسؤول الفرع إستاد محمد راجل قمه في الاخلاق والاحترام والاخلاص في العمل تحيا له وكل العاملين معه وذلك كله يرجع إلي إدارة الشركه في حسن اختيارهم للافراد العاملين بالفروع شكرا لإدارة الشركه

عرض المصدر

A

Ahmed Yaso

جوجل· منذ أكثر من سنة

★★★★★1.0

,لو عايز تضيع فلوسك جيب كاوتش من عندهم جبت طقم كاوتش مكملش شهر وحصل تشقق في فردتيين ولما روحتلهم قالو انت اكيد دوست علي حاجه حاده يعني هي الحاجه الحادة دي هتشقق الفرده لكن مش هتقطعها ردهم متخلف زيهم

عرض المصدر

M

Mohamed Ali

جوجل· منذ أكثر من سنة

★★★★★5.0

Best tire service

عرض المصدر

العودة إلى صفحة فيت آند فيكس