تقييمات سيلي جاتو
7 تقييم من المتسوقين
حبيت أحكي تجربتي بالتفصيل عشان أي حد بيفكر يتعامل مع الصفحة يبقى عارف تجربتي الشخصية قبل ما يطلب. كنت طالبة تورتة لمناسبة مهمة جدًا بالنسبة لي، وكنت متفقة معاهم على شكل معين. لما فتحنا وبدأنا نقطع التورتة اكتشفت إن جزء كبير من ارتفاعها من جوه كرتونة، مش كيك، يعني تقريبًا نص ارتفاع التورتة كرتونة. غير إن كمية الكيك نفسها كانت قليلة جدًا مقارنة بكمية الكريمة، والجزء العلوي تحديدًا كان أغلبه كريمة. كلمتهم ووضحت لهم إن اعتراضي مش على شكل التورتة بس، لكن على كمية الكيك الفعلية مقابل الكريمة، ووجود كمية كبيرة من الكرتون داخل التورتة، خصوصًا إن السعر مش قليل. لكن بدل ما ألاقي محاولة لفهم المشكلة أو حلها، كان الرد ببساطة: 'فين المشكلة؟'. وفي موقف تاني حصل في الاستلام زوّد الموضوع سوءًا. اتقال لي إن الاستلام هيكون من الفرع، واتبعتهولي لوكيشن، فزوجي راح على اللوكيشن اللي اتبعت له وفضل يلف ويدور على المكان. بعد ما اتبهدل في المشوار وفضلنا نتواصل معاهم عشان نعرف التورتة فين بالظبط، في الآخر قالولنا: 'آه معلش، أصل الاستلام من محل مونجيني.'. الموضوع ممكن يكون بسيط بالنسبة لهم، لكن بالنسبة لينا كان و
نُشرت في جروب فيسبوك بتاريخ 2 أكتوبر 2026، والمنشور الأصلي لم يعد متاحًا.