للأسف اسوأ خدمة عملاء تعاملت معاها، أشتريت منتج أونلاين يوم الخميس ٢ يوليو، ومكنش واضح أي معلومات عن ميعاد التوصيل، تواصلت مع خدمة العملاء أستفسر عن الموعد بلغوني إن في مكالمة هتيجي من فريق الأونلاين لتوضيح التفاصيل وتأكيد الأوردر، بالفعل اتصلوا بأختي في نفس اليوم وقالوا إن الشحن خلال من ١٠ ل ١٥ يوم، فبلغتهم إن نلغي الأوردر لأن مدة الشحن غير مناسبة لأننا محتاجين المنتج ضروري بالكتير يوم الخميس ٩ يوليو، خدمة العملاء قالتلها دقايق على الانتظار ورجعت بلغتها أنه تمام هيتشحن خلال ٥ أيام، وأختى أكدت عليها إن الموضوع ضروري جدا ومينفعش. امبارح الأربعاء ٨ يوليو كلمت خدمة العملاء لأنه مفيش أي حد تواصل معايا وأنا محتجاه الخميس بالكتير، وكل الكلام أنه إحنا معندناش توريد يوم الخميس، قولتلهم أنا مش ذنبي أنه مفيش توريد أنتو ملتزمين معايا بالخمس أيام، فالرد إن التعطيل مش من عندنا التعطيل من عند الوكيل، طيب ما أنا شارية المنتج وعارفة الموعد منكم أنتو، فاتصرفوا مع الوكيل دي مش مشكلتي، أنا اللى يهمني أن المنتج يبقى عندي في الميعاد اللى بلغت بيه وأكدتوه عليا،، ومفيش أي رد غير إن التعطيل من عند الوكيل ومعن

تلاجة توشيبا (ميراكو )او ( ميديا ) حبيت انزل بوست احذر من تلاجة توشيبا ٤٥٠ لتر انفرتر ( بضمان ميراكو ) اشترتها من ١٠ ايام ومن اليوم التانى او من وقت التشغيل التبريد سىء جدا فى الكبينة الفريزر كويس. وخدمة العملاء بيحاولوا يقنعونى ان دا طبيعة الانفرتر ويقولولى على على التبريد على اعلى درجة والفنى جه مرة وزود التبريد على اعلى درجة واحنا لسا مدخلناش فى الصيف. باى منطق تلاجة جديدة اشغلها على اعلى التبريد والشركة تقنعنى انا دا عادى وبعدها اكتشفت اكتر من حد بيشتكى من نفس العيب. ملحوظة :- انا قدمت شكوى فى جهاز حماية المستهلك عشان مش مقتنعين ان التلاجة فيها عيب

بعد ما تدخل من شارع الطيران هتلاقى الشارع بتاع السوق ضيق شويتين حاول تركن عربيتك بره .