يتفرجيتفرج

تقييمات بوستا

99 تقييم من المتسوقين (صفحة 1 من 5)

أضف تقييمك

M
Mona Khalaf
مجموعات فيسبوك (تعليق)· منذ 8 أيام
★★★★★3.0
بقالي 14 سنه عندي بيزنس اون لاين وبقى عندي خبره كويسه جدا مع شركات الشحن انا شايفه ان بوسطه محتاجه عقوبه صارمه مع المندوبين بتوعها انا لسه متعاقده معاهم ولقيت بعض المشاكل منها ان المندوبين بتتلكك عشان ما تسلمش الاوردرات بالرغم ان الاوردرات بتكون مدفوع ثمنها بالكامل والعميل مستنيها على نار تاني حاجه لو اتصلوا بالعميل وما ردش بيلغوا الاوردرات تالت حاجه لو العميل نسي يعمل كونفيرم تاكيد الاستلام على الرساله اللي بتجيله من بوسطه الاوردر بيتاخر بال 10 ايام ويلغوه ويرفضوا اصلا يتصل بالعميل رابع حاجه مهما نرفع التيكت الناس بتوع خدمه العملاء ما بياخدوش اي اكشن الوحيدين اللي بيشتغلوا كويس هو الاكونت مانجر وانا شايفه انه المفروض اداره بوسطه تعمل عقوبات شديده على مدير المستودع والمندوبين بالوضع ده هيكون صعب حد يكمل في الشركه بس بصراحه لما نزلت مشكلتي هنا كلمني مستر احمد ومستر معتز وا. ندي وا. نورين وحلوا الموضوع الحمد لله ده غير ان عاجبني اوي الابلكيشن و السيستم بتاعهم فياريت المشاكل دي تحلوها وهما هايبقوا هايلين
عرض المصدر
V
Vera Zolotareva - فيرا زولوتاريفا
مجموعات فيسبوك· منذ 20 يوم
★★★★★4.0
مكنتش اتخيل ان في ناس تعمل كده، تطلب حاجة بمواصفات خاصة وبعد عملها بنفس المواصفات وشحنها ترفضها، وتاكل حق غيرها بالطريقة دي. تقطيع تغليف المنتجات الأونلاين المصنوعة بمواصفات خاصة وتجربتها خلافا لتعليمات التسليم الموضحة مسبقا، ثم رميها بإهمال في الصناديق أو في وجه المندوب، ورفض حتى دفع مصاريف الشحن المتفق عليها.. تصرفات لا تليق، ولا يصح تبريرها بحقوق المستهلك. وده كان من أسباب ترددي قبل تقديم تصميماتي ومنتجاتي أونلاين. أنا وفريقي بنتعب في كل قطعة، من اختيار الأقمشة القيمة لحد التنفيذ والتقفيل والتغليف، وطبيعي يهمني إنها توصل وتتفتح ويتتعامل معاها بعناية. لكن الحمد لله لقيت عند شركة بوسطة Bosta المصرية حلول عملية بشكرهم عليها، ومكنتش لقيتها عند بعض الشركات العالمية اللي سألتها عن احتياجات شغلي. • معلومات عن سجل تعاملات العميل السابقة، وتقييم يساعدني أقيم جدية الطلب وأقرر قبوله أو الاعتذار عنه قبل تأكيده والالتزام بتنفيذه. زي ما العميل بيختار البائع اللي يثق فيه، البائع كمان محتاج معلومات تساعده يطمئن للتعامل. • إبلاغ العميل قبل التسليم بتعليمات فتح الشحنة، • إمكانية طلب سداد مصاريف الشحن
عرض المصدر
M
Marwa Kamal Ahmed
مجموعات فيسبوك (تعليق)· منذ 24 يوم
★★★★★5.0
بصراحه من احسن شركات الشحن اللي بتوصل اوردرات نظام ودقه في المواعيد والمناديب ممتازه ..
عرض المصدر
A
Adham Osama Amin
مجموعات فيسبوك· منذ شهر واحد تقريباً
★★★★★1.0
كنت طالب ٣ علب تمر علبتين تمر سكرى و علبة تمر مفتل من بن السلطان و اللى وصلى ٣ كيلو كلهم تمر مجدول. اتواصلت معاهم على البيدج بتاعتهم قالولى هنتواصل مع الاداره و بعد كدا محدش بيرد و حاولت اكلمهم على الرقم اللى اكدو معايا عليه الاوردر بقو بيقفلو عليا مبيردوش. اتواصلت مع شركة Bosta اللى موصلالى الاوردر و قولتلهم اللى حصل قالولى ان الموضوع مع التاجر و ان ملهمش دعوة و فهمتهم انه ادانى حاجه غير اللى انا طلبتها و مبيردوش عليا. بعدها انا طلبت اوردر تانى من نفس البيدج بردو علبتين سكرى و علبة مفتل و جالى نفس الغلطة ٣ علب تمر مجدول. اتواصلت معاهم من رقم الاوردر التانى ردو عليا عادى قولتلهم انا محتاج فلوسى و هدى للراجل العلب كلها يرجعهالكم و هشيل انا فلوس التوصيل مع انها مش غلطتى قالولى ثوانى و بعدها قفلو السكه ف وشى و عملولى بلوك بقى بيقفل عليا على طول كل مره بتصل عليهم. بصراحه مندوب بوسطة اتواصل مع الشركة عنده و قالهم ان التاجر باعت اوردرين غلط و هم بيحاولو يحلو المشكله بس حتى الان مفيش حاجه اتحلت.
عرض المصدر
A
Adham Osama Amin
مجموعات فيسبوك· منذ شهر واحد تقريباً
★★★★★1.0
اشتريت علبتين تمر سكرى و علبه مفتل من بيدج اسمها بن السلطان و ورونى السكرى و المفتل زى الصوره و شكله كان حلو جدا بس اللى وصلنى كان نوع تمر مختلف خالص "تمر مجدول". حاولت اتواصل معاهم على الماسنجر قالولى هنتواصل مع الاداره و بحاول اتصل بيهم من الرقم اللى طلبت منه بيرن و يقفلو عليا كل شويه. شركة الشحن مطلعه نفسها برا الموضوع و المشكله انى كنت دفعت الفلوس اونلاين و هم كدا كدا عاملين الاوردر يبقى مفهوش معاينه. عملت اوردر تانى لانى مش قادر اوصلهم و تواصلو معايا على رقم تانى عادى و بيردو و بردو طلبت سكرى و مفتل و اللى جالى بردو كان تمر مجدول. قولت للمندوب يتواصل مع شركة بوسطة اللى هى شركة الشحن عشان لما حصل الموقف الاولانى انا اتواصلت معاهم على الشات من الويبسايت و قولتلهم انهم مبيردوش و انا كنت دافع الفلوس لشركة الشحن قالولى ان الفلوس وصلت للتاجر خلاص. لما وصلنى الاوردر التانى بردو من نفس الشركة و واصلنى غلط اتواصلت مع التاجر و شرحتله الموقف و انى عايز فلوسى و هدى للمندوب العلب كلهل يرجعهالهم و هدفع انا تمن الشحن معنديش مشكله مع ان الغلطة مش من عندى. قفلو السكة ف وشى و عملولى بلوك.
عرض المصدر
A
Aya Mohamed
مجموعات فيسبوك (تعليق)· منذ شهرين تقريبا
★★★★★1.0
اسوء شركه اقسم بالله عاوز تخسر فلوسك و شغلك اتعامل مع بوسطا خسروني شغلي ومس هسكت ع حقي
عرض المصدر
A
Aya Mohamed
مجموعات فيسبوك (تعليق)· منذ شهرين تقريبا
★★★★★1.0
اسوء شركه اقسم بالله عاوز تخسر فلوسك و شغلك اتعامل مع بوسطا خسروني شغلي ومس هسكت ع حقي
عرض المصدر
العودة إلى صفحة بوستا