يتفرجيتفرج
المتاجر·مجوهرات·ارتسي سيلفر
ارتسي سيلفر
غير موثق
ارتسي سيلفرARTSY SILVER
مجوهراتGiza, Egypt
٣٫٨ / ٥
★★★★★
مبني على ٢٢ تقييم
هل هذا متجرك؟ طالب به للرد على التقييمات وتحديث البيانات. طالب بالمتجر ↗

ملخص التقييمات

انطباع متباين

تجربة العملاء مع متجر آرتسي سيلفر متباينة، حيث يشيد البعض بجودة المنتجات والخدمة، بينما يعاني آخرون من مشاكل تتعلق بتغيير الألوان وضعف الجودة. هناك آراء سلبية تشير إلى عدم الرضا عن التبديل والاسترجاع.

جودة المنتجات عاليةخدمة عملاء جيدةتشكيلة فريدةمشاكل في جودة المنتجاتصعوبات في الاسترجاع

ملخص آلي بناءً على ٢٢ تقييم من يتفرج وجروبات فيسبوك وخرائط جوجل

عن المتجر

نحن رواد المجوهرات الفضية الفاخرة، وهدفنا هو إلهام الثقة والاحتفال بالتفرد من خلال التصميمات الخالدة. في Artsy Silver، نصنع قطعًا أنيقة تتجاوز الإكسسوارات - فهي تمسك المعاني والتعبير عن من أنت.

نماذج من المنتجات

عيّنة من موقع المتجر · للاستئناس فقط

كل التقييمات

S
Sohaila Moussa
مجموعات فيسبوك· منذ 13 يوم
★★★★★1.0
مساء الخير يا جماعة انا كنت عاوزة احذر من التعامل مع آرتسي سيلفر اللي حصل اني طلبت قطعة اونلاين وهما وصلوها مع بوسطة والشحنة مغلقة من غير اقدر افتح الشحنة ودفعت كاش ولما فتحت الشحنة لقيتها القفل بتاع الانسيال في مشكلة توجهت للفرع اللي في مول ذا يارد اللي في الرحاب وطلبت قطعة تانية او فلوسي وكان الرد لا مش متاحة ولا فلوسك متاحة وارجعي لخدمة العملاء أقولهم يا جماعة القطعة فيها مشكلة والمفروض تحلوا مشكلتي حالا العيب عندكم وكان الرد لا والله معندناش صلاحيات ديه وارجعي لخدمة العملاء طب ازاي يا جماعة اللي هو اخبطي دماغك في الحيط … أنا بحذر كل الناس بس علشان محدش يتعرض للموقف ده ولا انه ياخده فلوسه ويبعتوله حاجة فيها مشكلة @artsy silver ****** تعديل بس علشان الناس الجميلة اللي بتقول خدمة العملاء … انهارده حتى لما كلموني تاني وشرحت كل اللي حصل بالتفصيل وكان الرد احنا اسفين حضرتك حابة ايه قولت حابة تاخدوا حاجتكم اللي فيها مشكلة وتبعتولي فلوسي قالوا هنرجع للادارة ونرجعلك وكان المفروض يرجعولي قبل ١:٣٠ وحقيقي معرفش ايه الصعب في انه يبعتوا فلوسي وياخدوا المنتج بتاعهم اللي فيه مشكلة وطبعا محدش رجع
T
Toty Nader Lotfy
مجموعات فيسبوك· منذ شهرين تقريبا
★★★★★2.0
اشتريت سلسلة فضة مطلية ذهب منهم بحوالي 2000 جنيه. السلسلة كانت جميلة واستخدمتها لمدة سنة تقريبًا، وبعدها بدأ اللون الذهبي يخف تدريجيًا. عشان أحافظ عليها، عملت لها إعادة طلاء مقابل 100 جنيه. المشكلة بدأت لما استلمتها. لونها بقى برتقاني مختلف تمامًا عن اللون الأصلي. لما اعترضت، قالوا إن الطلاء الحالي عيار 24 بينما الأصل كان عيار 18 ولم يبلغوني. عرضوا تغيير السلسلة بواحدة جديدة لكن التصميم كان مختلفًا فرفضت لأنها هدية لها قيمة معنوية. في النهاية غيروا السلسلة فقط وأخذت النجمة المطلية، وقالوا اللون هيهدى مع الوقت. بعد حوالي شهرين وبعد استخدام بسيط، الطلاء اختفى تقريبًا والشكل بقى خشن وكأنه مصنفر بطريقة غير احترافية. تواصلت مع خدمة العملاء وقالوا الحل الوحيد إعادة طلائها مرة تانية. ولما ذكرت المشكلة، قالوا ده اللون الوحيد المتاح حالياً، ولو عملت إعادة طلاء هترجع بنفس اللون اللي رفضته. مفيش حل حقيقي للمشكلة، ولا إمكانية ترجع القطعة للشكل اللي اتباعت بيه. حبيت أشارك تجربتي مع أي حد بيفكر يشتري منهم، خصوصًا إن أسعارهم مش قليلة، وأتوقع جودة أفضل وخدمة ما بعد البيع يكون عندها حلول فعلية.
M
Marise Adly
مجموعات فيسبوك· منذ شهرين تقريبا
★★★★★1.0
طلبت من الموقع بتاعهم خاتم (Gold Plated) يوم 2 مارس ب1990ج مقاس 9 ووصل تمام. لقيت مقاسه كبير فكلمتهم قالولي ممكن أروح سيتي ستارز أبدل المقاس عادي. روحت يوم 7 مارس وعجبني خاتم تاني وقالولي عادي تبدليه وبمقاس تاني فبدلته بمقاس 8 وستايل تاني وكان ليا فرق 500ج وخدته (الفاتورة أصلًا مش عليه أي تاريخ)! يوم 14 مارس اللون الدهبي اتمسح خالص بعتلهم قالولي ده العادي تعالي غيريه وقالولي أكيد جه ناحيته برفيوم أو بادي سبلاش أو كريم أو كيماويات أو ماية! اللون حرفيًا بيروح في يوم واحد.. في فص وقع من الخاتم (التقفيل مش حلو) فكلمتهم عايزة أعمله وأعمل اللون تاني.. قالولي الفص ب70ج واللون ب110ج.. قوللتهم يعني اللون بيروح في يوم بالظبط أدفع كل يوم ولا كل اسبوع 110ج عشان أرجع لون؟؟ قالولي لازم قبل ماتغسلي إيدك تقلعي الخاتم!! دي البوليسي بتاعتنا.. بعتتلي البوليسي مكتوب فيها ممنوع الشاور بس مش أي ماية ولا غسيل إيدين.. (من المضحك صحيح إنهم منزلين صور ع الصفحة والموقع كولكشن الصيف واحدة نازلة البحر وجسمها كله مبلول ومتصورة بالمنتجات!) قلتلها عايزة أرجعه قالتلي ماينفعش خلاص مافيش أي حل.. وحد بعدها كلمني من الرفع
Y
Yasmine Khaled
جوجل· منذ ما يقارب سنتين
★★★★★5.0
Highly recommended❤️❤️