بجد بحذر أي حد يفكر يتعامل مع شركة أكوا تيكنولوجي لمعالجة المياه إحنا اشترينا منهم فلتر من سنة وشهر بمبلغ مش قليل خالص، ومن يوم ما اتركب وإحنا في مشاكل ومحدش راضي يحل أي حاجة. أول حاجة الفني جه ركب الحنفية بطريقة غريبة جدًا، ثبتها في الحيطة فوق وبعيدة عن الحوض بحوالي نص متر! ولما والدي طلب منه يركبها في الرخامة عند الحوض رفض وقال إنها هتسرب مياه، واستسهل وركبها في الحيطة. اشتكينا كتير جدًا وقتها ومحدش اهتم ولا حد حاول يصلح المشكلة. لكن المشكلة الأكبر إن الجهاز نفسه من أول يوم تقريبًا مش شغال كويس! كل ما نحاول نشغله يقول مفيش مياه واصلة للجهاز، رغم إن ضغط المياه عندنا قوي جدًا وواضح في الفيديوهات اللي بعتناها لهم أكتر من مرة. كل مرة نكلم خدمة العملاء أو ييجي فني، نسمع نفس الاسطوانة: 'لازم تغيروا الشمع'. حتى لو الشمع متغير من يومين بس! دفعنا فلوس كتير في تغيير شمعات وصيانة، وفي الآخر أول ما الفني يمشي بيوم أو يومين الجهاز يرجع يبوظ تاني وكأن مفيش حاجة اتعملت. طلبنا أكتر من مرة تغيير الجهاز لأنه واضح جدًا إن فيه عيب من البداية، خصوصًا إن الجهاز عليه ضمان، لكن للأسف محدش بيرد ومحدش بيتحرك.

فني كويس الله يبارك فيه

استاذ هدر راجل ممتاذ وشكرا لحضرتك