إزاي بتتباع التقييمات الوهمية في مصر

كل اللي تحت ده تقييمات منشورة على فيسبوك دلوقتي، ووقت كل واحد فيها مسجّل بالثانية. مفيش استنتاج فيه، دي الحاجة نفسها.

على صفحة مطعم، ٢٧ حساب مختلف كتبوا نفس الجملة بالحرف. الجملة دي مش تقييم أصلاً: دي سطر من رسالة التعليمات اللي المشغّل بعتها ليهم، واتنسخت معاها بالغلط.

وقبلها بيوم، على نفس الصفحة، ١٦ حساب سابوا الكمية المطلوبة منهم جوه التقييم نفسه، بالقوسين زي ما هي:

التلات قطع دي كلها اتكتبت في ٥٢ ثانية، ومع بعضها بيرجع يتركب منها الطلب اللي اتبعت لهم.

والساعة لوحدها بتكفي في حالات كتير:

وعلى صفحة مركز جراحة، خمس حسابات كاتبين عن عملية منظار عند الدكتور، كل واحد فيهم بصيغة مريض اتعالج عنده بنفسه. نفس الخمسة كاتبين كمان على معارض أثاث ومعارض سيارات ومكاتب تسويق في نفس الفترة، وواحد منهم هو صاحب الـ١٬٤٧٥ صفحة اللي فوق.

٤٨٤ صفحة من اللي رصدناها شغلها بيمسّ حياة الناس: عيادات وصيدليات وحضانات ومكاتب محاماة وخدمات مالية. مش لأنها أسوأ من غيرها، لكن لأن القرار اللي بتاخده بناءً عليها بيمسّ صحتك أو فلوسك أو تعليم ولادك.

تلات قواعد، وكلها تقدر تراجعها بنفسك على فيسبوك من غير ما تصدّقنا في حاجة.

• دوّر على الصفحة قبل ما تتعامل معاها. فيه ٣٬٣٧٨ صفحة في البلاك ليست دلوقتي، وكل تقييم رصدناه تقدر تفتحه على فيسبوك بنفسك.
• الحملات ما بتتحسبش. التقييمات اللي بنرصدها مش بتدخل في تقييم المتجر على يتفرّج، فالنجوم اللي بتشوفها هنا مش بتتشترى.
• لصاحب الصفحة حق الرد، والرد بينشر جنب النتيجة نفسها مش في مكان تاني.
• صفحة ما فحصناهاش؟ ابعتلنا لينكها وإحنا نفحصها ونرجعلك بالنتيجة.