طلبت اوردر ودفعت عربون وعدا الميعاد وبعتتش حاجه ليا

طلبت منهم عباية يوم 3/5 قالي هتوصل خلال 15 يوم و قالي عشان الاوردر يتأكد ابعتيلي 500 جنيه ديبوزت و مفيش معاينة لكن في استبدال و استرجاع في حالة الديفو فقط و فعلا بعت الفلوس. العباية اتاخرت و وصلتلي يوم عرفة يعني قعدت اكتر من 20 يوم. بشوف بقى العباية مختلفة تماماً عن الصورة اللي انا طالبة على أساسها في كل حاجة اللون مختلف و الشغل اللي فيها مختلف و مش مظبوط و زي منتوش كدا و العباية بقى واسعة جدا مع العلم اني طلبتها أقل من وزني اصلا. فلما لقيتها كدا دخلت كلمتهم علي البيدج و بقيت ببعت ليهم طلب صورة الديفو بعته و الباقي كله معلقش عليه و المسدجات بيتعمل سين و مفيش رد لحد ما ردوا عليا و قاللي مفيش ديفو مش هترجع و لما كلمتهم تاني عملولي بلوك. رنيت بقى على الاونر بتاع البيدج دي قاللي بعد العيد و قفل في وشي كلمته تاني بعد العيد قاللي انت بتكلميني في ايه دي عباية ب2500 و كان عليها اوفر و انت وخداها ب1900 و قفل في وشي تاني و مش بيرد بقى من بعدها لما كلمته تاني. دي اول مرة اتحط في موقف زي دا بصراحة.

طلبت عباية من الصفحة بناءً على الصور المعروضة، لكن عند استلام المنتج فوجئت إن اللون والشكل مختلفين بشكل واضح عن المعروض في الإعلان. حاولت التواصل مع الصفحة أكثر من مرة لحل المشكلة بشكل ودي، لكن الرسائل يتم رؤيتها دون أي رد أو محاولة للتوضيح أو حل المشكلة. بعد ما بقالي ٦ ايام بكلمهم ومش بيردوا عليا قولتلهم حسبي الله فيك يا نصابين ردوا قالوا هترجع بس عشان شتمتيما مش هترجع.