حابة أحذركم من الصفحة دي عشان محدش يقع في نفس مشكلتي. اشتريت منهم دريس ولما وصلني لقيت تقفيله سيء من تحت وطالع منه خيوط، وفيه عيوب واضحة وميقبلهاش أي حد وكمان قصير. لما دخلت أكلمهم بكل ذوق عشان أسترجع المنتج وأخد فلوسي لأنه مشحون بريد مصرى وللاسف البريد مفيش معاينه بس هما كانوا قائلين خلال 48ساعه لو فى حاجه فى الدريس رجعيه عادى ولما كلمتهم بدأوا في المماطلة واللف والدوران: وأنكروا العيب وقالوا "ده عادي مش ديفو"! و رفضوا تماماً يدوني عنوان واضح للمخزن أو المكتب عشان أعمل استرجاع رسمي. و عرضوا عليا حل غريب جداً وغير قانوني، إنهم يبعتولي بيانات "عميلة تانية" أشحن لها الفستان باسمي ورقمي، ولما البنت تستلم هما يبقوا يحولوا لي الفلوس! طبعاً عشان يهربوا من المسؤولية ويلبسوني في أي مشكلة مع حد تاني. أنا عملت بيهم شكوى رسمية في جهاز حماية المستهلك والجهة الرقابية تواصلت معاهم وتهربوا ومردوش نصيحة بلاش حد يشتري منهم لأن خاماتهم وتقفيلهم وحش، وخدمة بعد البيع عندهم عبارة عن نصب ومماطلة وبلوك.