مساء الخير، ليه بجد البراندات المحلية الكواليتي بتاعها بيقل لما تتشهر! ومبيكونش فيه اهتمام بالعميل والشكوى بتاعته بشكل جدي، انا عندي مشكلة مع ماركة مصرية اسمها Palma ماركة شنط وملابس للسيدات. هحط لحضراتكم سكرين فيديو انا عميلة عندهم من ٢٠٢٢، عجبني المنتجات على صفحتهم وسألت اقرب فرع ليه ورحت جربت في شنطة والصراحة كانت ممتازة وقعدت معايا سنتين كويسة ولا بتقشر ولا الاكسسوار لونه بيغير وع الأساس كل ما كنت بجمع فلوس بشتري قطعة تانية لانها مش رخيصة اقل شنطة بألف جنيه، وفيه طبعا قطع مميزة وأغلى، واشتريت اون لاين ومن الستور كذا مرة وحتى كنت بجيب منها هدايا لأصدقائي ورشحتلهم ناس. السنة دي قلت اجدد الشنط اللي اتهلكت وجبت نفس الاشكال بتاعتهم عادي بجد فرق الكواليتي رهيب بتقشر من الاجناب والدراع والاكسسوارات لونها بيتغير ومكان قفل الشنط مش ثابت وبيتفك، يعني شنطة منهم كنت شايلاها للعيد اول ما خرجت لقيت الدراع اتقطع ومسمار الوصل بين الاكسسوار اتقطع!! و مرة تانية القفل طلع في ايدي من شنطة تانية مبقتش فاهمة ايه المشكلة وليه وكان عندي زيهم ومتينة. انا من كتر ثقتي فيهم اول ما بشتري منتج برمي وصل الشراء