عاوزة احكى لكم تجربتي السيئه مع الحلل نيوكلاين مضروبه اقسم بالله غلطت لما سمعت كلام الشيفات الحلل مرشوشه وبعد الغسيل بتبقع بقع بيضاء كأنها مرشوشه بودرة اللهم بلغت

⚠️ تحذير من شركة نيوكلين ⚠️ من فترة حوالي ٥ او ٦ شهور كنت منزلة بوست بشتكي فيه من شركة نيوكلين بسبب طقم الحلل اللي اشتريته، لأنه للأسف مكملش شهر وباظ، مع العلم إني كنت مبدلاه قبل كده بالفعل وكانوا جايبلي كل حله لون غير التاني زي ما واضح في الفيديو مشكله طقم الحلل بيفرز ماده بيضاء زي البودره كدا وللاسف مش عارفه استخدم الطقم خالص بعد ما نزلت البوست تواصلوا معايا وقالوا إنهم هيحلوا المشكلة وطلبوا مني أمسح البوست، وبالفعل مسحته على أساس إن المشكلة هتتحل. لكن للأسف لحد دلوقتي مفيش أي حل حقيقي: - مرة يقولوا مفيش شحن. - ومرة يقولوا هيبعتوا الحلل وكل حلة لون مختلف عن التانية. - ولو طلبت الطقم كله لون واحد، يقولوا اللون اللي أنا عايزاه مش متوفر. واخر مره قالوا اصل شركه الشحن مستلمتش للاوردات الي علي خط السير بتاعي والكلام ده بقاله اسبوع بصراحة مش قادرة أفهم إزاي شركة كبيرة بالشكل ده مش قادرة تبدل طقم حلل كامل بطقم سليم ومن نفس اللون بدون كل المشاكل والتأجيل ده. أنا كل اللي بطلبه حقي الطبيعي: استبدال الطقم بطقم كامل سليم ومن نفس اللون، خصوصًا إن العيب من المنتج نفسه ومش أول مرة أضطر أبدله. نشرت