تحذير من براند خليج زينه طلبت عبايه من الويبسايت اكدو معايا الاوردر وبلغونى ان المعاينه والتواصل خلال ساعه من وصول الاوردر وبالفعل خلال اقل من نص ساعه تواصلت معاهم لانى لاحظت ان الطول من الجانبين كبير جدا ودا مكانش موضح عالويبسايت ولا الصور. للاسف اسلوب سئ فى الحوار وان مفيش استرجاع وانى اروح للخياط يظبطها وفى الاخر تقريبا قفلو المكالمه فى وشى. بعدها لاحظت عيبين فيها وان الجزء البيج غير الصوره كمان فتواصلت معاهم عالواتساب انكار رهيب ورد بعد ايام ومعاناه على ما وافقوا عالاسترجاع وبشرط انى اتحمل الشحن مره كمان بالرغم من ان القطعه فيها عيوب، انتظرت اوردر المرتجع اكتر من اسبوع وبعتلهم عالواتس من قبل العيد مردوش اضطريت اروح الفرع من اكتوبر للمعادى خوفا من انهم يتلككو على انتهاء مدة ١٤ يوم استرجاع واستبدال وبجد اسوء تجربة شراء اونلاين وخدمة ما بعد بيع قابلتها.