حابة أحذر أي حد من التعامل مع صفحة JollyBee_eg 🚫 أنا جبت منهم شوية لعب، وأول ما استلمت الشحنة في نفس اليوم اكتشفت إن في لعبة فيها مشكلة، مش بتلزق ولا ثابتة خالص. لما كلمتهم قالولي جربي تحطيها في ميه سخنة وكده! كمان كنت طالبة لعبة تانية على أساس شكل معين، ولما وصلت لقيتها مختلفة تمامًا عن اللي متوقعاه. طلبت أبدلها وقلت حتى الشحن يكون عليا، أو أرجعها وخلاص… لكن رفضوا تمامًا! كل ده حصل في نفس يوم الاستلام، يعني لا مسموح تفتحي الشحنة ولا حتى تبدلي حاجة وطبعًا الكلام ده مش مكتوب على صفحتهم ولا في السياسات، وده شيء مش طبيعي خالص. للأسف تجربة سيئة جدًا، فخلي بالكوا قبل ما تتعاملوا معاهم.