اشتريت الرول من شركة حياة. كنت بشتري الشكل القديم وكان حلو وبعدين جربت الشكل الجديد. حجمه اكبر بس بعد الاستخدام جلدي تعب وحصل غمقان والازازة كانت تلزيق واصفرار. قلت لهم المنتج تالف وقالوا سياسة الاستبدال خلال 14 يوم، قلتلهم انا لسه فاتحه ودللت أن التاني متفتحش، قالوا افتحيه شوفيه ابيض ولا اصفر. بعد ما فتحته لقيته ابيض. قلتلهم مش هتعامل معاهم تاني وهحذر الناس. الشكل القديم كان حلو بس الجديد سئ جدا ومش عندهم فن اكتساب العميل. الردود حافظ مش فاهم وكل الرد على اساس اني هكرر التجربة السيئة تاني.

تحذير لأي حد بيفكر يشتري من شركة Hayah العروض عندهم حرفيًا وهمية. اشتريت عرض 'اشتري قطعة وخدي التانية مجانًا'، ولما الأوردر وصل لقيت العبوات ناقصة بشكل واضح جدًا وكأن نصها مستخدم! تواصلت مع خدمة العملاء وبعتّ شكوى على الصفحة، وفضلوا يطلبوا مني أصور العبوة وأبعت صور وفيديوهات، وبعدها قالولي: 'هنرد خلال 5 أيام'، مع إن الأوردر نفسه موصلش في 5 أيام! تاني يوم رجعوا سألوني: فتحتي أنهي عبوة؟ قولتلهم أول عبوة جيت استخدمتها لقيتها ناقصة، وحتى العبوة المقفولة لقيتها ناقصة برضو. الرد كان إنهم مش هياخدوا العبوة المفتوحة! يعني المفروض أي منتج نشتريه نصوره قبل ما نستخدمه؟! ومن ساعتها كل شوية يقولوا 'هنرد عليكي'، وبقالهم أسبوع كامل بدون استبدال ولا ريفند ولا حل حقيقي للمشكلة. ردوا عليا قالوا إن ده حجم عبوة ومصورين عبوة من عندهم نصب نصب اقسم بالله. تجربة سيئة جدًا، وحسبي الله ونعم الوكيل. أتمنى محدش يتخدع في الإعلانات والعروض دي.