العنوان هابيتات اسوء مرتبة في مصر التفاصيل : اشتريت (( المفروض )) احسن مرتبة عندهم وسوست منفصلة وهتحس انك طائر وكلام كتير ولما تتقلب اللي جنبك من هيحس (( غالبا عشان مش هيكون موجود لأنه في المستشفى بيعمل عملية في ضهره )) وده من موزعهم في التجمع ( الفاتورة ) هتلاقوها موجودة في الصور الكلام ده من عامين تحديدا في ١٨ اغسطس ٢٠٢٤ والمفروض في ضمان ١٠ سنوات وبعد مرور مدة لا تتجاوز ٦ اشهر بدأت المشاكل وجع في الضهر المرتبة مش متناسقة حتت عالية وحتت واطية لو حد خد نفس بس يصحي اللي جنبه المهم تواصلت مع رقم خدمة العملاء ادوني رقم Whatsapp بدأت ابعتلهم واقولهم انا بقالي تقريبا سنة وشوية والمرتبة فيها عيب صناعة ومن حقي الاستبدال افأجأ ان الرد لاااااا ضمانك ضمان صيانة مش استبدال طيب انا تعبان اعمل ايه صور المرتبة واعمل فيديو واشرح العيب وصور الفاتورة وصور الباركود حااااااضر مراسلات مراسلات ثم طيب هنسحب المرتبة ونبص عليها في المصنع ونشوف عيب مننا ولا سوء استخدام 🤷🤷 قولتلهم طيب انا هنام على الأرض لحد ما تقرروا بعد مداولات قالوا هيجيبوا مرتبة spare المهم بعد متابعات وتراجي تم ا

عندي مشكله مع Habitat - هابيتات من شهر و مافيش فايده. اشتريت منهم مرتبتين و الاستاذ اللي في المعرض سحب مبلغ اكبر من الفاتوره من الفيزا. حتي يومنا هذا كل يومين وعد جديد و معاد جديد و فات شهر و اسبوع و لا حياة لمن تنادي. بعيداً عن المماطله في التسليم و كل يوم يقولوا حملناهم علي العربية و لما اكلمهم اخر اليوم يقولي لا مافيش عربيات. طلعت بالمرتبتين معايا غير لما روحت الفرع اللي اشتريت منه قولتله عايزه فلوسي و هابلغ البوليس. جابولي عربيه بعد نص ساعه. اتذليت عشان استلم المراتب و باتذل تاني عشان يرجعولي فلوسي. عملت شكوي في حماية المستهلك بس مش ارقام التواصل بتاعتهم مش شغاله. غلطتي اكيد اني ماشوفتش الرقم اللي بيتسحب في الفيزا في وقتها بس الخطأ وارد و مش طبيعي كل ده عشان يرجعوا مبلغ بسيط زي ده.