طلبت بنطلون بـ ٦٠٠ جنيه، ودفعت الديبوزيت المطلوب واحترمت كل شروطهم. أول ما استلمته لاحظت فيه خيوط طالعة كتير، قولت عادي ممكن تتقص. لكن بعد يومين فقط، وأنا بكويه وببص عليه بالفلاش، اكتشفت إن الخيوط دي أصلًا تنسيل وعيب واضح جدًا في القماش والخياطة! البنطلون ما اتلبسش أصلًا، ولسه جديد، ومع ذلك شكله بقى كأنه مستعمل من كتر العيوب اللي فيه. صورت المشكلة وبعتلهم بكل احترام، وطلبت مجرد استبدال ببنطلون سليم، وحتى قولتلهم إني هتحمل تكلفة الشحن كاملة… لكن للأسف بدل ما يحترموا العميل، كان الرد بتاعهم بتقلي كدا بالحرف شكلك انتي اللي نتشتيه. الأسوأ بقى إنهم رفضوا أي استبدال أو استرجاع، وكمان عملولي بلوك عشان يقفلوا الموضوع وخلاص.