نفس الموقف معايا و كنت جايب بطيختين جامبو الجودة اقل من المتوسط و كرتونة عويسي و كرتونة صديقة جودتهم متوسط و كان فيهم حاجات مليفة حتي لو الواحد عايز يدفع ذيادة بس ياكل حاجة يستمتع بيها ولا يهادي بيها اهله ..ميلاقيش غير شوية حراميه

انا عندى تجربة سيئة مع بيدج اسمها بطيخ مصري. عملت اوردر من عندهم من الويب سايت و الميل بتاع الاوردر موجود مع الصور علشان المصداقية. البطيخ كان عادى جدا على عكس الدعايا ان عندهم بطيخ كواليتى و طعم عاليين جدا و في اجزاء صغيرة بيضة مكنش ليها طعم خالص و المفروض انا بشترى منتج غالى علشان اخد كواليتى عالية و ده على اساس الدعايا بتاعتهم. كنت طالب مانجو برده عويس و صديقة العويس جاية سيئة جدا زى متكون مانجو خزين و شغل تلاجات مع اننا في موسم المانجو و هم عاملين دعايا انها مانجو فرز اول تصدير و الصديقة جودتها كويسة بس كلها خضراء مفيش واحدة مستوية. المهم كلمتهم و قالولى ابعتلنا الصور و هنعملك شكوى ونبعتها للادارة و بعتلهم كل حاجة في الاخر عملولى بلوك!!! تجربة سيئة جدا ولا انصح ابدا بالتعامل معاهم.

طلبت منهم بطيختين وأول لما وصلوا فتحت واحدة منهم لقيتها بالمنظر ده وريحتها حمضانة. بعت لهم واتصلت بيهم قالولي هنبعت لك كود خصم!! طلبت استبدال أو استرجاع رفضوا. قلت لهم هعمل ايه بكود خصم إذا كان أول مرة أشتري منكم يحصل كده؟ أنا لو اشتريت من فكهاني في الشارع ولقيت الفاكهة بايظة هيرجع لي فلوسي أو هيبدلها لي بفاكهة كويسة. كان ردهم أصلك اشتكيتي من بطيخة واحدة ودي سياسة الشركة! الخطأ وارد لكن مش مقبول عدم تحمل الخطأ وتدبيس العميل ما دام دفع خلاص. بطيخ مصري