تحذير من تجربتي مع شركة مصر الألمانية لمكافحة الحشرات. اتصلت بخدمة العملاء وبلغوني إن تكلفة رش شقتي (60 متر) من 1200 إلى 1600 جنيه، فوافقت. بعد انتهاء الشغل فوجئت بمطالبتي بدفع 35 ألف جنيه، وهو مبلغ لم يتم إبلاغي به أو الاتفاق عليه مسبقًا. ولما اعترضت قالوا إن خدمة العملاء “ما تعرفش الأسعار”. اضطرريت أستلف وأسدد المبلغ، وبعدها اشتكيت للشركة أكثر من مرة ثم لجهاز حماية المستهلك، وللأسف بدون نتيجة. واللي صدمني أكتر إن ناس كتير تواصلوا معايا وحكوا تجارب مشابهة، وبعضهم قال إنهم اتطلب منهم يوقعوا إيصالات أمانة لو المبلغ المطلوب مش معاهم وقت التنفيذ. بنشر تجربتي عشان أحذر أي حد: متبدأش أي شغل قبل ما تعرف السعر النهائي مكتوب أو برسالة واضح. طبعا دا غير انهم عملولي بلوك عشان مطالبش بحقي مره تانيه حسبى الله فيهم.

بيقلك اللتر ب 20 جنيه، ولما يصل البيت بيدا يرش وانت فاكر ان اللتر بتاعهم زي بتاع الناس كلها بس لاء، حيرش 10 لتر وحيقلك انا رشيت 150 لتر ويديك فاتورة ب 3000 جنيه، وحيطلب انك تديله 1000 زيادة عشان المراجعة لي بعد 3 شهور، بس خلي بالك المراجعة دي مجانية (انت حتدفع 1000 مقدم وهو حيقنعك ان دا لمصلحتك)، طبعا حتشوفهم بيملو بتاع الرش من الحنفية ومش حتشوفهم بيحطوا اي مبيد او اي حاجة، خلي بالك منهم شركة #نصابين #مستريح

شركة مصر الالمانية اسوا شركة على الاطلاق.... شركة محترفة فى النصب والنهب وقلة الذوق وعدم الالتزام بالمواعيد دة غير ان المصل زى الزفت والعمال مش فاهمين ولا مؤهلين ياريت محدش يعيد التجربة دى تانى