للأسف شركه كبيرة زى شركة دومتى اشتريت علبة جبنه كريمى ليها أول امبارح و بفتحها لقيت دود حى. تواصلت معاهم على صفحتهم على الفيس بوك و ردوا عليا ان حد من القسم المختص هيتواصل معايا و محدش عبرنى و ده يدل على ان الشركه غير مهتمه بصحة عملائها. عملت شكوى فى هيئة سلامه الغذاء.

كسبت كوبون عصير ولما جيت أصرفه لقيت أكتر من مكان بيقولي إنه مش بيتبدل. تواصلت مع خدمة العملاء وقالولي هيتم إبلاغ القسم المختص وهيتواصلوا معايا استنيت وسألت تاني وكان نفس الرد لكن لحد دلوقتي محدش تواصل معايا والكوبون انتهت صلاحيته. أنا منزل البوست ده بس عشان أوضح اللي حصل معايا، لأن كنت متوقع إن المشكلة تتحل أو على الأقل يتم الرد عليا بدل ما أفضل مستني.

على فكره ده اسلوبهم من زمان من ٢٠١٩ كانوا مره عاملين مسابقه على بلايستيشن لاجمل تصميم عبوة وناس بالهبل مصممين عباقره شاركوا فيها وجابت تصميماتهم تفاعل رهيب واذ فجاه ينزل تصميم قبل نهاية المسابقة ب ٤٨ ساعه بالظبط يجيب لايكات منين ماتعرفش واردء تصميم ممكن تشوفه في حياتك حتى هم نفسهم مانفذهوش ويوم النتيجه اعلنوا عن فوز التصميم من يومها وانا مابحيبش اي حاجه منهم انا وناس كتير بقالنا ٧ سنين عالم مخادعه اصلا اذا كنت في بلايستيشن وغشيت الناس هثق في منتجاتك ازاي فككم منهم