تجربة سيئة جداً.. وللأسف 'العميل دايماً على غلط' عندهم! حابة أحذركم من التعامل مع (dody luxuours)، عشان محدش يقع في نفس الموقف اللي حصل معايا ويضيع حقه. طلبت منتج ودفعت تمنه بالكامل بعدين جالي مفتوح وبعدها حبيت أغير المناج لمنتج تاني وأدفع 'فرق السعر' (يعني هزودهم فلوس مش هنقصها!). فوجئت برد فعل غريب جداً.. رفض تام وجمود في التعامل، وكأن الفلوس لما بتدخل جيبهم خلاص مفيش تفاهم. قوانين على المزاج: بيحطوا قوانين خاصة بيهم تخالف أبسط قواعد التجارة، ومفيش فاتورة إلكترونية تضمن حقك، هما ماشيين بمبدأ 'اللي عندنا هو اللي هيمشي'. سوء تعامل: الأسلوب في الرد كان في منتهى قلة الذوق، ولما قلت إني هبلغ 'حماية المستهلك' كان الرد الصادم: 'اعملي اللي أنتِ عايزاه!' بمنتهى الثقة وكأنهم فوق القانون.