طلبت اوردر من Dejavu بتاريخ 5/22، واستلمته يوم6/10 بعد تأخير طويل. لما الشحنة وصلت من شركة الشحن كانت في كيس عادي، والمنتجات نفسها أغلبها كانت في أغطية (كافر) فقط، ما عدا قطعة واحدة فقط هي اللي كانت داخل بوكس. لما لقيت قطعة مقاسها صغير وطلبت أرجعها، بعتلهم صور واضحة تثبت إني استلمت المنتج بدون بوكس من الأساس، وإن القطعة المطلوب إرجاعها كانت جاية في كافر فقط. كانت المفاجأة إن الرد: "مينفعش استرجاع بدون بوكس". حتى عرضت عليهم ياخدوا البوكس الوحيد اللي وصلني مع الشحنة، وتم الرفض. والحل المطروح كان "استثناء" خلال 24 ساعة فقط للاستبدال!

أسوأ تجربة مريت بيها فى حياتى... الشوز دى إشتريتها من @dijavu أول لبسة ومامشتش بيها ركبت العربية وروحت حفلة خطوبة فى كافيه لاقيت الشوز فرقعت بالشكل دا (الفردتين) فى نفس اللحظة وشكلى كان زبالة وأنا خارجة من الكافيه حافية بدور على حد يصلح الشوز علشان أنقذ الموقف والناس كلها عمالة تتفرج عليا... المشكلة إن الشوز معمولة من الكرتون... وحصل قبل كدة إنى إشتريت سليبر الكعب فصل عن السليبر من أول لبسة بردوا... المفروض إن دا براند محترم وأسعاره أضعاف الأسعار إللى بنشترى بيها من برةمش عارفة إزاى منتجاتهم بالسوء دا... عموماً دى آخر مرة هشترى من عندهم حاجة لكن أنا بحذر أى حد يشترى منهم.

انا طلبت جزمه من ديجافو كان فيها مشكله كلتمهم وفعلا قالو هتتفحص جوده ورجعولي الفلوس ف مفروض انها اتعدمت او يصلحو العيب علشان ينزلوها تاني ع السايت وطلبو مني امسح البوست وفعلا عملت كده لكن اختي طلبت نفس الجزمه تاني بعتولنا نفس الجزمه بنفس العيب رغم ان احنا بلغناهم بس لا حياة لمن تنادى واللي كانت مفروض تتعدم او تتصلح واسلوب خدمة العملاء سيئ جدا بيقولو ليه تطلبوها تاني وتالت بدل ما يصلحوها او يعدموها !!!! ده رد براند محترم!! مفيش رقابة علي الاوردرات ليه قبل ماتطلع ومفيش معاينة عند الاستلام ليه ابقو خلو بالكو ي جماعه مش بيعدمو المنتجات اللي فيها عيوب وبيحطوها ع السايت علشان اي حد يلبس فيها