تحذير من التعامل مع الشركة دي يا جماعة معندهمش اي مصداقية. طلبنا منهم شنطة الملاعق اللي ناشرينها عاوزين نرجعها و بنتواصل معاهم فيس و واتس بيشوفوا الرسائل ومابيردوش رغم انهم كاتبين فيه استرجاع خلال ١٤ يوم. استلمتها منهم اول امبارح وجودة سيئة غير الصور خالص وبعد فحصها غير مطابقة للي مكتوب ع الكرتونة من حيث القطع فيها قطع ناقصة كتير زي ماسك السكر وكرنيب وشيالة الكيك وغيرها والملاعق الصغيرة مش نفس الماركة كأنها قطع فرداني حاطينها وجميع القطع الصغيرة سواء شوك أو ملاعق مش بنفس جودة الكبيرة ومش مكتوب عليها حفر ارشيا كمان اسم الشركة المكتوب على الكرتونة غير المكتوب على الشنطة وخامة شنطة سيئة جدا متنفعش شنطة عروسة ابدا ومفيهاش أي تنظيم القطع فوق بعضها لأنها مش مطابقة لأماكنها وعشان يغطوا ع القطع الناقصة وفي النهاية عملوا حظر.

طلبت الديسبنسر دا اون لاين من سنتر شاهينAk وجابوه امبارح الضهر ولحد دلوقتي مش راضي يسقع الميه ولا راضي يشتغل اصلا وبرن عليهم١٠٠مره ولا راضين يردوا وفين وفين ردوا اخيرا وقالوا خلاص هتهولي مكانا وهنخصم 500جنيه ليه مش فاهمه اخسر ليه اني اروح اوديه ليه واخسر 400جنيه رايح جاي دا غير ال500الي عايزين يخصموها يعني مش فاهمه ليه النصب دا احنا دفعنا4200ويدونا حاجه بايظه

هو المكان تقريبا من أفضل فروع سنتر شاهين بس المشكله اللى موجوده فى كل الفروع لما تروح تسأل على عرض دايما خلص يا فندم بس بردو المكان ممتاز والاصطف كويس جدا