طلبت شنطة من بيدج اونلالين اسمها Brands bags وكانوا قايلين متاح المعاينه قبل الاستلام المندوب رفض وقالى ممنوع فتح الشحنه. بعد ما المندوب مشى اكتشفت الشنطة مفيش معاها دراع الكروس بتاعها. ادانى رقم وقالى كلمى الصفحة. اتصلت بالرقم بعد ٣ ساعات وعشر مرات اتصال ردت عليا قالتلى اتواصلى على الواتس. اللى طلبتى منه قولتلها اتواصلت مع الواتس وشافوا الرسايل ومردوش. قالتلى مش مشكلتى لما يفضوا هيردوا عليكى. قولتلها المندوب رفض فتح الشحنه تقولى مش مشكلتى. اقولها هو حضرتك مين تقولى ميخصكيش. اقولها انتى مش شغاله معاهم تقولى اننى بتعطلينى عن شغلى ورفضت تحل المشكله. قولتلها واضح انى هقفل هتعملى بلوك قالتلى اه لو اتصلتى هعمل بلوك. ولقيت الواتس كمان عمل بلوك والصفحة عملت بلوك عشان عملت ريأكت اغضبنى وقولتلهم مش بتردوا ليه.

الصفحه ده اخدت منى فلوس ولا عايزين يرجعوا الفلوس ولا يبعتوا الحاجه و فى الاخر قفلوا عليا كل حاجه و مش بيرد على التليفون و اتعملى بلوك في الاخر

قبل ما اطلب الشنطة سألتهم فيه استرجاع قالوا ايوا من غير ما يوضحوا اي شروط أو سياسية للاستبدال والاسترجاع. الشنطة وصلت الكوالتي وحشة. قولت لهم ارجعها قالوا لا استبدال بس. قولت لهم لا انا مش عاجبني اي حاجة وانتوا موضحتوش اي سياسة للاسترجاع قالوا هو ده نظامنا استبدال بس. كلمت الإدارة قالوا لا ده غلطة المدير هتحاسبه قولت لهم مليش دعوة هو غلط العميل ميشيلش الليلة. وبعدها قلت هم الدنيا وخلاص وهطلب شنطة تانية لقيتهم عملوا بلوك من بيج الفيسبوك والإدارة كمان. وأنا هقدم فيهم شكوى في حماية المستهلك.