بكتب البوست ده علشان أحذر أي حد بيفكر يتعامل مع الشركة دي. أنا اشتريت منهم مطبخ في رمضان، وقالولي إن الخامة خشب تركي. للأسف بعد 5 شهور بس المطبخ بدأ يبوظ، واتصدمت لما لقيت إن اللي اتقالي غير الحقيقة. الخامة طلعت ألواح تبن مضغوط وعليها قشرة شكلها خشب، وظهر الوحدات معمول من الكرتون، وده أدى إن المطبخ ما استحملش، وللأسف وقع على والدتي، وكان ممكن تحصل كارثة. من يومها وأنا بكلم الشركة وببعتلهم، ومفيش أي رد ولا حد عبرني، ولا حتى سألوا إذا كان حصل لوالدتي حاجة ولا حاولوا يصلحوا المشكلة. أنا منزل البوست ده علشان أنقل تجربتي، وكل اللي بقوله حصل معايا، وعندي صور وفاتورة ومحادثات تثبت كلامي.