اشتريت مايوه ليا ولبنتي من اكتيڤ علي اساس انه مكان معروف وخامه كويسه والاتنين نيوكولكشن يعني مش خامه مركونه الاتنين من او لبسه اقسم بالله بتاعي وبر من غير من غير ما انزل المياه او يتغسل وبتاع بنتي خياطه بتفك

اشتريت شنطه بتاريخ ١١ يونيو ابني نزل بيها التمرين يوم ١٢ يونيو صباحا بداخلها كوره هاند بول وكوتشي وزجاجه ميه الشنطه اتقطعت م الدراع رجعت الفرع ابدلها رفضوا تماما وقالوا لازم الفاتوره طبعا انا اشتريها ورميت الفاتورة لأنها شنطه مفيهاش قياس والمفروض انه براند محترم نفس الشخص اللي باعلي هو اللي كان موجود وقت م حاولت اغيرها وقالي فاتورتك قدامي ع السيستم بس مش هقدر اغيرهالك هل طبيعي ٧٥٠ جنيه يروحوا ع الارض والاسم براند المفروض محترم

عندي مشكلة مع active و للاسف انا لجأت لتحذير الناس من التعامل معاهم لانهم حتي و لو كان عندهم جودة الي حد ما معقولة لكن لو واجهتك مشكلة مش هتلاقي اللي يساعدك حرفيا و دي تاني مرة تحصل معايا علشان كدا دمي محروق. المرة الاولي اشتريت منهم كوتشي أديداس مكملش بالظبط ٣ شهور و النسيج شاط و اتقطع غالبا بسبب سوء تخزين منهم (و دا كلام توكيل اديداس في نفس المول اللي اشتريت منه) بس للاسف مكنش معايا الفاتورة. دلوقتي خياطة بتفك بعد شهرين استخدام. عالميل مفيش رد. روحت الفرع. . قالوا كلم خدمة العملاء. خدمة العملا زي ما حضراتكم شايفين عالواتساب. فايه الحل مع الناس دي.