اشتريت من ابو عوف مكس مكسرات ب 430 جنيه الربع كيلو من فرع نادي الصيد، يطلع نص الكيس لوز مزنخ و بايظ و نصه التاني عين جمل مكسر مجهول الهويه و قشر فسدق فاضي. الحل الاخير انهم يعملولي اكسبشن يدوني 100 جرام من اي منتج فريش. طب و اللي بتبعوه ده مش فريش و انا شرياه ف نفس يوم الانتاج ؟ معني كده أن التاريخ ده ملزوق علي منتج قديم و معفن. اني اجيب مسكرات الكيلو منها ب1700 جنيه عشان يكون نضيف رد فيما معناه اني اخبط دماغي فالحيطه. كل المشاكل اللي بتنزل دي بتتحل و هو اصلا مش بيحل معايا حاجه. التاريخ بتاع انتاج المكسرات مكملش 3 ايام و يبعوه مزنخ بالشكل ده.

اشتريت النهارده المكسرات دي من زهران ماركت...منتج من شركه ابو عوف زي منتو شايفين السعر...مش رخيصه خالص و كمان المكسرات لما روحت بفتحها عشان ادوقها طعمها سئ جدا خاصه اللوز سئ جدا...الكاجو ممكن يبقى مقبول شويه بس مش حلو خالص برضو و اللوز ملمسه مترب كدا او اكنه مركون بقاله كتير و بشم ريحه المكسرات لقتها كمكمه...للاسف تجربه سيئه جدا و سعر اوفر...انا اتواصلت معاهم و ياريت بقى يشوف حل لان دي مش منظر مكسرات تتاكل خالص!!

أنا امبارح نزلت بوست شكوى بخصوص منتجات من أبو عوف وكان عندي مشكلة في بعض المنتجات. خلال أقل من ساعه من نزول البوست تم التواصل معايا بمنتهى السرعه والاحترافيه وتم استبدال كل المنتجات سواء اللي فيها مشكله أو حتى اللي مفيهاش أي مشكله. كمان اتبعتلي هديه لطيفه منهم. بصراحه أكتر حاجه عجبتني مش التعويض نفسه لكن طريقة التعامل مع المشكله وسرعة الاستجابه والاهتمام برضا العميل. كل الاحترام والتقدير لفريق أبو عوف على الاحترافيه وحسن التعامل.