اشتريت من شهر ترابيزتين من موقع 3ataba.com - عتبة دوت كوم وجالى لونين مختلفين عن اللي طلبتهم كلمتهم قالو احنا اسفين وهنبدلهم جاتلى واحده بس وشكلها مختلف عن اللى كنت طلباه ونفس اللون برده اللي مش عيزاه كلمتهم قالو دي احلى واغلى من اللي طلبتيها 😃 قولتلهم بس انا مش عايزه الشكل ده وده مش اللون برده يعنى حاجه غريبه جدا جايبلى ترابيزه على مزاجه والمفروض اقبل بيها؟!!! فرفضت الاستلام قالى طب هنبدلها قولتله امتى قالى خلال ١٤ يوم استنيت مفيش كلمتهم قالى لا هو تم الاسترجاع قولتله ازاي يعنى؟ محدش جيه اخدهم امال اللي عندي دول ايه؟ قالى معرفش هو باين عندي ان تم الاسترجاع وشوفى اللي عندك دول منين وبيتكلم بقلة ذوق ومصمم ان تم استرجعهم كلمناهم تانى واحد رد قال لا ده تم الاسترجاع يعنى مرضتيش تستلمى الاوردر قولتله ما اكيد مش هستلم ترابيزه مش عجبانى! قالى طب يومين وهنرجعهم وهلاص على كده ودلوقتى مش بيردو خالص ومش عايزين ولا يبدلوهم ولا ياخدوهم بجد صفحة نصابه المفروض اقبل بيهم بالعافيه يعنى!!!