يتفرجيتفرج

النوافذ والأبواب والتركيب

تصنيع وتركيب أبواب وشبابيك وزجاج

٢٣ متجر، و٣٠ تجربة من المشترين، متوسطها ١٫١ من ٥.

الأرقام محسوبة من التقييمات المنشورة على يتفرج (تقييمات الأعضاء وتجارب جروبات فيسبوك) وتتحدث كل ساعة.

الأكثر تقييمًا في النوافذ والأبواب والتركيب

مرتبة حسب عدد التقييمات على يتفرج، وليس حسب الجودة.

كل متاجر الفئة (٢٣)
  1. ألترا ديزاين٧ تقييم، متوسط ١٫١
  2. أركان ديكور٣ تقييم، متوسط ١٫٣
  3. مودرن دورز٢ تقييم، متوسط ١٫٥
  4. الفنية للمطابخ الحديثة٢ تقييم، متوسط ١٫٥
  5. آرك ميتال٢ تقييم، متوسط ١٫٠
  6. شاور اند شاتر٢ تقييم، متوسط ١٫٠
قبل ما تطلب أونلاين: إزاي تتأكد إن المتجر موثوق

تجارب المشترين في النوافذ والأبواب والتركيب

من تقييمات الأعضاء وتجارب جروبات فيسبوك، الأحدث أولًا.

تقييم من Mostafa Hudaمجموعات فيسبوك· منذ 7 أيام
★★★★★1.0
تجربتي مع شركة Arc Metal كانت سيئة جدًا من أول التعامل لحد ما بعد التركيب. أول ما تتفق معاهم وتدفع العربون، الوضع بيتغير. أسلوب تعامل يقفلك. بعد ما دفعت 60% عربون، بدأت أعاني عشان أوصل لأي حد من الشركة. اتصالات كتير من غير رد. العقد مكتوب فيه إن التسليم خلال 20 يوم، لكن الشغل اتسلم بعد حوالي شهرين! يوم التركيب المهندس قال لي أحوّل باقي المبلغ قبل ما العربية تتحرك. قلت له المفروض بعد التركيب. كان الرد بالنص: «يا تدفع ياما مش هبعت العربيه». التركيب والتشطيب النهائي كانوا سيئين جدًا، والمقابض كلها كانت مقشرة! لما اشتكيت، اتقال لي مندوب الصيانة هييجي، لكن عدى حوالي 4 شهور، ولحد دلوقتي محدش جه. بعد 4 شهور، ظهرت مشكلة جديدة في الشباك: معلق ولا بيفتح ولا بيقفل. حاولت أتواصل معاهم تاني، وبعت رسائل واتساب عشان أطلب الصيانة (الضمان المتفق عليه 10 سنين)، لكن للأسف مش لاقي أي رد لحد دلوقتي. أنا دفعت فلوس مقابل شغل المفروض يكون بجودة كويسة، وفي المقابل واجهت تأخير كبير، ومشاكل في التشطيب، ووعود بالصيانة من غير تنفيذ لحد دلوقتي.
عرض المصدر
تقييم من Anonymous participantمجموعات فيسبوك· منذ 14 يوم
★★★★★1.0
اشتريت منهم ٤ ابواب واتفقت معاهم ادفع عربون والباقي بعد الاستلام مندوب المعرض رفض وطلب الفلوس كاملة على انستا باي دفعت الفلوس واستلمت الابواب يوم التلات متبرشمة و يوم الخميس جه الفني يركب الابواب الفني مبتدئ وفاشل مش عارف يشتغل ازاي كأنه جاي يجرب الشغل عندي بوظلي ال٤ ابواب بعد ما ركبهم قام قطع باب منهم بالكاتر وقام مرقعه بقطعة خشب زي ما هو واضح في الصور ده غير الاستغلال المفروض في أربع علب فوم لكل باب علبة قالي أن في علبة ناقصة اشتريها منه رفضت قام مرزع ومخبط في الأبواب وهو بيركبهم لحد ما اتنقرت وسايب نقر ورقعة بشعة وشغل سئ فوق الوصف كلمت مندوب المعرض وحكيتله اللي حصل كان في قمة اللامبالاة ومستفدتش منهم حاجة كلمت الفني فضل يلاوع ولما زنقته في الكلام ايوة الغلط مني شوف هتعمل ايه حسبي الله ونعم الوكيل في اي حد يستغل فلوس غيره وميراعيش ربنا في شغله ياريت يا جماعة تاخدوا بالكم
عرض المصدر
تقييم من Mohamed Tarekمجموعات فيسبوك· منذ 28 يوم
★★★★★1.0
حابب أحكي تجربتي بسرعة عشان أي حد ياخد باله قبل ما يتعامل مع المكان. باب شقتي المصفح كان عالق ومش بيفتح، فروحت للمعرض. ملقتش غير شخص واحد، شرحت له المشكلة، قال لي: "أنا هاجي معاك". جه معايا، وحاول يفتح الباب، وبعدها رجع جاب العدة. قال إننا محتاجين قلب مفتاح مقاس 7، اشتريته بـ 600 جنيه، وبعدها اكتشفنا إن الباب أصلاً مقاس 9. ساعتين كاملين محاولات... والباب عامل نفسه مش سامعنا، لحد ما حارس العمارة رجع، بص على الباب وقال له فيه سنون معينة تتضغط... والباب اتفتح! يعني حارس العمارة كان فاهم الباب أكتر من اللي جاي يصلحه! والأسوأ إن أثناء المحاولات القفل اتكسر بالكامل، واضطريت أغيره كله. بعدها عرفت إن الشخص اللي خرج معايا بيشتغل مع المعرض، لكنه مش صنايعي نجارة وبيشتغل أوفيس بوي. ولما كلمت صاحب المعرض أشتكي، أول رد كان: "إنت جبت نمرة تليفوني منين؟" وبعدها قال لي إني أخدت الشخص من المعرض من غير ما أكلمه. أنا كعميل أعرف منين ده صنايعي ولا أوفيس بوي؟ أنا دخلت المعرض، طلبت حد يصلح الباب، وهو بنفسه قال لي "أنا هاجي معاك". النتيجة؟ حاجة كان المفروض تكلفني 400–500 جنيه، وصلت لحوالي 3000 جنيه بسبب تكسير
عرض المصدر
تقييم من Hadeer Nasserمجموعات فيسبوك· منذ شهر واحد تقريباً
★★★★★1.0
المطبخ بقى له سنتين معمول كله عيوب و خرابيش و مقاسات غلط، و بسبب المقاسات الغلط رحل المطبخ و سايب فراغ كبير جمب الحيطه و مش عارفين نفتح المطبخ من البوتوجاز حتي مقاس الرخامه غلط و مكمل الرخامه بحتت الوميتال و بردو مش عارفين نقفل غطا البوتوجاز الازاز مركبيه و لازم يفضل مفتوح طول الوقت غير المطبخ نفسه حتت مطبقه و حتت متخربشه اللي بانت لما شيلنا الاستيكر. الكلام ده كله من شهر ٧ سنه ٢٠٢٤ و كان خلاص الفرح قال بعد الفرح هيجي يظبط. بقالنا سنتين كل شويه اصل المشوار بعيد لما يجي شغل جمبكم و شويه و يقولنا خلاص في شغل جمبكم هخلي صنايعي يعدي عليكم نستني طول اليوم و نتصل مايردش كذا شهر لحد ما ينسانا و يرد و نفس الكلام و حجج و اعذار بقالنا سنتين اهو اخر مره كان المفروض هيبعت حد و بردو اختفي و مابيردش. حسبي الله و نعم الوكيل فيك و الفلوس اللي خدتها مش مسامحه فيهم و لا مسامحك.
عرض المصدر