يتفرجيتفرج

إطارات وعجلات وخدماتها

بيع وتركيب وصيانة الإطارات والعجلات

٦ متاجر، و١٥ تجربة من المشترين، متوسطها ١٫٧ من ٥.

الأرقام محسوبة من التقييمات المنشورة على يتفرج (تقييمات الأعضاء وتجارب جروبات فيسبوك) وتتحدث كل ساعة.

الأكثر تقييمًا في إطارات وعجلات وخدماتها

مرتبة حسب عدد التقييمات على يتفرج، وليس حسب الجودة.

كل متاجر الفئة (٦)
  1. فيت آند فيكس٨ تقييم، متوسط ١٫٨
  2. غطاطي٣ تقييم، متوسط ١٫٧
  3. ناسيتا أوتوكير٢ تقييم، متوسط ١٫٥
  4. ان اوتو إكسبريس١ تقييم، متوسط ١٫٠
  5. دلتا مصر١ تقييم، متوسط ٢٫٠
قبل ما تطلب أونلاين: إزاي تتأكد إن المتجر موثوق

تجارب المشترين في إطارات وعجلات وخدماتها

من تقييمات الأعضاء وتجارب جروبات فيسبوك، الأحدث أولًا.

تقييم من Ahmed Hamdy Ahmedمجموعات فيسبوك· منذ 7 أيام
★★★★★2.0
مساء الخير اشتريت فردتين كاوتش من Fit & Fix بتاريخ ١١ اكتوبر ويوم ١٩ اكتوبر وانا ماشي في المقطم سمعت صوت تصفير هوا جامد نزلت لقيت قطع في الكاوتش الشمال الجديد بالشكل اللي في الصوره بدون اي اله حاده او مسمار وكنت في شارع اسفلت كنت قريب من بتاع كاوتش فكه وصلحهولي ببص على الفرده التانيه لقيت تجمع هوا زي اللي واضح في الصوره كلمت خدمة العملاء قالولي اروح اقرب فرع هيعملوا كشف ويبعتوه ونعمل تقرير في خلال من ٣ ل ٥ ايام ونعوض حضرتك لو المشكله في الكاوتش اعترضت على المده الطويله لاني بحتاج العربيه قالتلي دي سياسة الشركه وهعمل طلب استعجال ان احنا ما ناخركش روحت وفكوا العجل وكشفوا وصوروا وقالولي هنرد عليك من ٣ ل ٥ ايام يعني بالكتير يوم ٢٤ النهارده ٢٩ كلمت الكول سنتر كذا مره وكل مره يعتذروا ويقولولي هنستعجل لك التقرير ومحدش يرد حد عنده تجربه مع حاله زي كده ايه الإجراء المناسب خصوصا اني مش قادر اكلم مسئول غير الكول سنتر وكل مره اعتذار وهنستعجل ومحدش بيعبرني وانا ماشي على الكاوتش وحاسس بخطوره منه
عرض المصدر
تقييم من Badr Habibaمجموعات فيسبوك· منذ 21 يوم
★★★★★1.0
اشتريت منهم ٤ فرد كاوتش ماركه boto ف شهر ٨ سنه ٢٠٢٤ وف شهر ٩ سنه ٢٠٢٥ اتفاجئت بالصدفه وأنا ببص ع الكاوتش أن الفردتين اللي قدام مشققين زي ماهو موجود ف الصور روحت الفرع خدوهم يفحصوهم لمده أسبوع وبعد مماطله وهنرد عليك تم الرد أنه هيعوضوني بفردتين جداد وفعلا تم تعويضي وفي شهر ٩ سنه ٢٠٢٦ الفردتين اللي باقيين حصل فيهم نفس المشكله زي ماهو واضح ف الصور روحت الفىرع تاني بس المره دي ردوا عليا تاني يوم أن مفيش تعويض والسبب اللي بيقولوه أن فرده منهم انا خبطت ف حاجه والفرده التانيه زودتها هوا زياده مع أن الفردتين فيهم نفس المشكله وهي هي نفس المشكله اللي عوضوني عنها قبل كدا طبعا ده كلام غير منطقي انا كل مره بتكشف بالصدفه أن الكاوتش كدا قبل ماطلع بالعربية وده ستر من ربنا لقدر الله لو مشيت عليه ممكن يعمل كارثة . حابيت اشارك تجربتي علشان الناس تاخد باله Fit & Fix جهاز حماية المستهلك المصري - مرفق صوره الفاتورة - صور الكاوتش اللي شقق أول مره واتعوضت - صور الكاوتش اللي شقق تاني مره ورفضو يعوضوني
عرض المصدر
تقييم من Mostafa Adelمجموعات فيسبوك· منذ شهران
★★★★★2.0
تجربتي مع كاوتش الغطاطي بعد شهر واحد من الشراء حابب أعرض تجربتي مع الغطاطي بكل تفاصيلها، وأسمع رأي الناس، خصوصًا إن الموضوع متعلق بسلامة القيادة. بتاريخ 9/7/2026 اشتريت عدد 2 كاوتش Hankook Ventus Prime 4 – مقاس 205/55R16 من الغطاطي، وقيمة الفاتورة الإجمالية كانت 8070 جنيه، والفاتورة مرفقة. بعد حوالي شهر واحد فقط من الشراء، كنت بتحرك بالعربية بشكل طبيعي، وكنت ماشي على طريق سريع عادي، وفجأة اكتشفت إن أحد الإطارات نام وفقد الهواء. المهم إن الكاوتش مفرقعش، ولما تم فحصه لم أجد مسمار أو أي جسم صلب داخل الإطار يفسر فقدان الهواء. وبعد الفحص اتضح وجود قطع في جانب الإطار (Sidewall)، وهو الضرر الظاهر في الصور المرفقة. عرضت الإطار على فني كاوتش، وكانت وجهة نظره إن شكل الضرر ممكن يكون مرتبطًا بسوء تخزين أو عيب في الإطار، ولذلك توجهت للغطاطي لتقديم شكوى ومراجعة الحالة. الغطاطي قام بإصدار تقرير فني بتاريخ 17/8/2026، وذكر التقرير أن الضرر ناتج عن اصطدام الإطار بجسم صلب أو آلة حادة. أنا هنا مش بدعي إن الكاوتش فيه عيب تصنيع، ومش باتهم الغطاطي بأنه السبب بدون دليل. اعتراضي الأساسي هو على طريقة تح
عرض المصدر
تقييم من Amer Girgisمجموعات فيسبوك· منذ 4 أشهر
★★★★★1.0
تم طلب قطع غيار سيارة من توكيل نور الدين الشريف الوكيل الخاص بسيارات روكس الكهربائيه بخلاف ان الطلب استغرق 21 يوم للتوصيل انه تم علية تعديل مرتين مرة اتطلب منى ازود قطع علشان يقدروا يشحنوة لانهم عارضين امكانية بيع طنبورة واحدة مش طقم و مع ذلك مش هيقدروا ينفذوا الطلب بالطريقه دى و لغيت المنتج لانه ببساطه تعديل يمثل زيادة ١٠٠% من السعر الاصلي و تم تعديل اخر لان السعر للمساعد اليمين على الموقع بسعر غير الشمال فتدفع الباقى كاش لما الاوردر يوصلك ثم اخيرا لما يوصل يبقى المساعدين غير مطابقين للوصف كمكونات وغير مناسبين لموديل السيارة و يتم اكتشاف دة بواسطه الفني فالجاء لشراء قطعه غيار اخري بتكلفه اضافية .. اضرار الوقت والتكلفه والشكاوى و المتابعه و التعامل النقدى لان العمليه ككل مقسطه و تم دفع قسط بالفعل .. الحل المقدم من خلالهم ان حصل خير رجع الحاجه واحنا هنرجعلك الفلوس الموقع الخاص بالتوكيل يعرض معظم قطع الغيار لجميع موديلات السيارات .. لا انصح بالتعامل معهم على الاطلاق ٢١ يوم من متابعه لاورد تحت شعار توصيل فى ثلاثه ايام N Auto Express يوجد شكوي مقدمه بجهاز حماية المستهلك و جاري متابعتها
عرض المصدر

دي كل التجارب المنشورة في إطارات وعجلات وخدماتها.